Qazaqstan Respýblıkasynyń Sybaılas jemqorlyqqa qarsy is-qımyl Agenttiginiń Shymkent qalasy boıynsha departamenti, «Jol Aktıvteriniń Ulttyq sapa» ortalyǵynyń qalalyq fılıaly men Arnaıy monıtorıngtik top, «Shymkent-adaldyq alańy» jobalyq keńsesi ókilderi jol qurylysy barysyn baqylaý maqsatynda reıdtik is- sharalar ótkizdi.
Bul joly «Telman» shaǵyn aýdanynda salynyp jatqan M.Áýezov kóshesi qoǵamdyq jáne vedomstvolyq baqylaýǵa alyndy.
Arnaıy jyljymaly zerthanany qoldaný arqyly jol tósemesin, trotýarlardy, sondaı-aq trassa enin ólsheý júzege asyryldy.
Alynǵan úlgiler arnaıy saraptamaǵa jiberilip, nátıjesinde salynyp jatqan obektige tıisti baǵa beriletin bolady.
«Jol Aktıvteriniń Ulttyq sapa» ortalyǵynyń qalalyq fılıaly ókilderiniń aıtýynsha, buzýshylyqtar anyqtalǵannan keıin merdigerlerge buzýshylyqtardy joıý úshin merzim belgilenedi, sodan keıin jol ýchaskesin nusqamanyń oryndalýy turǵysynan qaıta tekserý júzege asyrylady.
О́z kezeginde Sybaılas jemqorlyqqa qarsy qyzmet ókilderi osy turǵydaǵy is-sharalar mamandardyń qatysýymen júıeli túrde ótetinin atap ótti.
Jalpy, «Sapaly jol» jobasy aıasynda aǵymdaǵy jyly 5 reıdtik is-sharalar uıymdastyrylyp, onda 50-ge jýyq buzýshylyq anyqtaldy, olardy joıý boıynsha merdigier kompanııalar tarapynan tıisti jumystar júrgizilýde.
Shymkent