Atyraý oblysynyń ákimi Mahambet Dosmuhambetov maıdangerler Aıdyn Aıbarov, Álibek Túsibálıev pen Orynǵalı Qarasaevty Jeńis kúnimen quttyqtaý úshin olar turatyn úıdiń aýlasyna bardy. Qarııalar aýlaǵa shyqqan kezde olardy arnaıy orkestrdiń oryndaýynda soǵys jyldaryndaǵy ánder shyrqalyp turdy.
Ákim Jeńis kúniniń búgingi urpaq úshin mańyzyna toqtalyp, maıdangerlerge QR Prezıdenti Qasym-Jomart Toqaevtyń quttyqtaý hatyn tabystady.
Sondaı-aq búgin aımaq basshynyń tapsyrmasymen oblys jáne qala ákimderiniń orynbasarlary, aýdan ákimderi Ekinshi dúnıejúzilik soǵystyń kýágerlerine de Memleket basshysynyń quttyqtaý hatyn tapsyrdy.
Jeńis kúni qarsańynda Atyraý oblysyndaǵy 8 maıdangerdiń árqaısysyna 1 mıllıon teńgeden bir rettik kómek berildi. Sonymen qatar, nagradtalǵan 62 tyl ardagerine 100 myń teńgeden, nagradtalmaǵan 2212 tyl ardagerine 30 myń teńgeden berilýde. Osy maqsatqa oblys bıýdjetinen 81 mıllıon teńge bólingen.