Qazaqstan memlekettik avıasııasynyń ushýlar qaýipsizdigin qamtamasyz etý jónindegi departamentimen memlekettik avıasııa salasyna qatysty normatıvtik-quqyqtyq aktileriniń jobasy daıyndaldy. Bul týraly Qorǵanys mınıstrliginiń baspasóz qyzmeti habarlady.
«Memlekettik avıasııada avıasııalyq oqıǵalardy bolǵyzbaý jónindegi nusqaýlyqty bekitý týraly» Qorǵanys mınıstriniń 2017 jylǵy 24 tamyzdaǵy №486 buıryǵyna da ózgerister men tolyqtyrýlar engiziledi.
Buıryq jobasy memlekettik avıasııada avıasııalyq oqıǵalardy bolǵyzbaý jónindegi avıasııa personaly jumysynyń tıimdiligin arttyrýǵa yqpalyn tıgizetin bolady.
Atalǵan nusqaýlyqpen memlekettik avıasııanyń avıasııalyq personalynyń qyzmeti reglamenttelgen. О́zgerister men tolyqtyrýlar Qazaqstan memlekettik avıasııasy ushýlar qaýipsizdigi jónindegi Konferensııasy hattamasyna, sonymen qatar memlekettik avıasııa qyzmetin reglamenteıtin normatıvtik-quqyqtyq aktileri qoldanystaǵy zańnamasynyń talaptaryna sáıkes taldaýdyń qorytyndysy boıynsha ázirlendi.
Odan bólek, «Áýe keńistigin paıdalaný jáne avıasııa qyzmeti týraly» 2010 jylǵy 15 shildedegi Zańǵa engizilgen túzetýlerge sáıkes «Qazaqstan Respýblıkasy Memlekettik avıasııasy qyzmetin baqylaý jáne qadaǵalaý organynyń áskerı qyzmetshilerine qyzmettik kýáligin berý jáne paıdalaný qaǵıdalaryn jáne onyń sıpattamasyn bekitý týraly» qorǵanys mınıstriniń 2017 jylǵy 20 shildedegi №370 buıryǵyn joıý týraly» buıryq óz kúshin joıdy.
Sonymen qatar qurylymdyq bólimshemen «Ushý qaýipsizdigi máseleleri boıynsha memlekettik avıasııanyń qyzmetine memlekettik baqylaýdy jáne qadaǵalaýdy júrgizý qaǵıdalaryn bekitý týraly» Qorǵanys mınıstriniń 2017 jylǵy 7 tamyzdaǵy №424 buıryǵyna ózgerister engizilýde. Jańa redaksııada tekserý júrgizý úshin obektige kelgen ushý qaýipsizdigi organdarynyń laýazymdy tulǵalaryna qyzmettik kýálikterin kórsetýlerin qajet etetin tarmaqshaǵa ózgertý engizý usynylady. Onyń ornyna jeke kýálikti kórsetýdi belgileý usynylady.
Joǵaryda atalǵan buıryqtardyń jobasy «Elektrondyq úkimet» saıtynyń «Ashyq NQA» bóliginde ornalastyrylǵan, múddeli memlekettik organdarmen kelisý úshin daıyndaldy.