14 naýryz – Kórisý kúnine oraı Ulttyq ulan áskerı qyzmetshileri ata-analary men jaqyndarymen baılanysyp, merekelik quttyqtaýlaryn jetkizdi. Áskerı boryshyn ótep júrgen sarbazdar úshin bul kún týǵan-týyspen amandyq surasyp, saǵynyshyn basatyn erekshe sátterdiń biri boldy, dep jazady Egemen.kz.
5451 áskerı bóliminiń sarbazdary merekelik kúni telefon arqyly ata-analarymen habarlasyp, olardyń hal-jaǵdaıyn surap, jyly tilekterin bildirdi. Kúndelikti áskerı tártipke saı qyzmet atqaryp júrgen ulandyqtar úshin otbasymen tildesý úlken qýanysh pen rýhanı dem beredi.
Kórisý kúni – halqymyzdyń ejelden kele jatqan dástúrleriniń biri. Bul kúni adamdar bir-birimen amandyq surasyp, úlkenderge qurmet kórsetedi. 5451 áskerı bóliminiń ulandyqtary da osy dástúrdi jalǵastyryp, ata-analaryna alǵystaryn aıtyp, olardyń qoldaýy men batasynyń mańyzdylyǵyn jetkizdi.
«Naýryznama»: Elordada Kórisý kúni qalaı atap ótiledi?
Ata-analar óz kezeginde balalaryna aq batasyn berip, el tynyshtyǵyn kúzetip júrgen uldaryna rızashylyqtaryn bildirdi. Olar sarbazdardyń Otan aldyndaǵy boryshyn abyroımen oryndap júrgenine maqtanyshtaryn jasyrmady.
Aıta keteıik, 5451 áskerı bóliminiń áskerı qyzmetshileri tek qoǵamdyq qaýipsizdikti qamtamasyz etip qana qoımaı, ulttyq dástúrlerdi dáripteýge de erekshe mán beredi. Osyndaı ıgi sharalar sarbazdardyń rýhyn kóterip, týǵan-týyspen baılanysyn nyǵaıta túsedi.
Elimizde jalpyhalyqtyq Naýryznama onkúndigi bastaldy