Halyqaralyq jeńil atletıka federasııasy bıylǵy jyldyń tamyzy men qazany aralyǵynda ótetin bir kúndik jarystardyń kestesin jarııalady. Bul týraly Olympic.kz habarlady.
Maýsym jáne shilde aılarynda sanaýly elder ǵana týrnır ótkize alady. Al halyqaralyq jarystar 8-9 tamyzda ótetin ulttyq birinshilikterden soń bastaý alady dep kútilýde. Álemdik jeńil atletıkanyń bıylǵy maýsymy Fınlıandııadaǵy Paavo Nýrmı oıyndary qurlyqtyq týrymen bastalady.
Continental Tour Gold aıasynda uıymdastyrylatyn toǵyz kezdesýdiń segizi tamyz pen qazan aralyǵyna josparlanǵan. Wanda Gaýhar lıgasy 14 tamyzda Monakoda bastalyp, qazan ortasyna deıin jalǵasady. Koronavırýsqa baılanysty jarysty uıymdastyrýshylar serııalyq esep júrgizilmeıtinin jáne bıyl jalpy eseptegi jeńimpaz anyqtalmaıtynyn málimdedi.
Sondaı-aq Sıýrıhtegi fınal da ótkizilmeıdi. Gaýhar lıgasyndaǵy árbir jarystyń formaty aldyn ala daıyndalyp, týrnırge engizilgen sport túrleri habarlanady.