Búgin Shymkent qalasynyń ákimi Murat Áıtenov tótenshe jaǵdaı kezinde qalany zalalsyzdandyrý jumystary men blok beketterde eńbek etken 100 sarbazdy marapattap, alǵys hatyn tabystady.
Esterińizde bolsa, tótenshe jaǵdaıǵa baılanysty áskerı mindettilerdi arnaıy jıynǵa shaqyrý jónindegi Memleket basshysynyń Jarlyǵyna sáıkes, Shymkent qalasynda 100 sarbaz ásker qataryna shaqyrylyp, qalanyń qaýipsizdigi men dezınfeksııa jumystaryna jumyldyrylǵan bolatyn.
Qaýipti dertpen kúreste belsendilik tanytqan sarbazdardy marapattaý barysynda qala basshysy olardyń erlikterin erekshe atap ótti. Sondaı-aq, eriktiler jyly qarsańynda óz erkimen kózge kórinbeıtin ınfeksııamen kúreste aıanyp qalmaǵan árbir sarbazǵa megapolıs turǵyndary atynan rızashylyǵyn bildirdi.