Eńbek jáne halyqty áleýmettik qorǵaý mınıstrligi jáne onyń vedomstvolyq baǵynysty uıymdary tótenshe jaǵdaı kezeńinde tabysynan aıyrylýyna baılanysty Memlekettik áleýmettik saqtandyrý qorynan 42 500 teńge mólsherinde tólem taǵaıyndaýǵa qatysty azamattardyń 338 myń ótinishine túsindirmeler berdi. Bul týraly Eńbek jáne halyqty áleýmettik qorǵaý mınıstrliginiń baspasóz qyzmeti habarlady.
13 mamyrdaǵy jaǵdaı boıynsha halyqpen baılanystyń barlyq arnalary arqyly Eńbekmınine jáne vedomstvolyq baǵynysty uıymdaryna azamattardan «42 500 teńge» taǵaıyndaýǵa jáne tóleýge qatysty 696,4 myń ótinish kelip tústi.
Osylaısha, 42500@enbek.kz elektrondyq adresine 571,1 myń ótinish tústi. Onyń ishinde Eńbek resýrstaryn damytý ortalyǵynyń qyzmetkerleri 241,6 myń ótinishke jaýap berdi.
42500@gfss.kz elektrondyq adresine 108 myń ótinish tústi. Onyń ishinde Memlekettik áleýmettik saqtandyrý qorynyń qyzmetkerleri 76,4 myń ótinishke jaýap berdi.
Basqa baılanys arnalary arqyly MÁSQ-qa 7,1 myń ótinish kelip tústi, onyń ishinde 6,3 myńyna jaýaptar berildi.
Eńbekmınine, onyń ishinde mınıstrdiń blogyna, Facebook jáne Instagram-daǵy resmı akkaýnttaryna 10,1 myń ótinish kelip tústi, onyń 7,1 myńyna jaýap berildi.
Sonymen qatar Eńbekmıniniń qyzmetkerleri koronavırýs boıynsha ótinishterdi qabyldaý ortalyǵyna kelip túsken 6,6 myń ótinishke jaýap berdi.
Sondaı-aq «Azamattarǵa arnalǵan úkimet» memlekettik korporasııasy» KEAQ-nyń «1411» áleýmettik-eńbek salasy máseleleri jónindegi baılanys ortalyǵynda 1-13 mamyr aralyǵynda «42 500 teńge» tóleý máseleleri boıynsha azamattardyń 58,1 myń ótinishine túsinikteme berildi.
Osy baǵyttaǵy jumys jalǵasýda.