Ýaqyt talabyna saı ómir qajettiligin óteýde de jetisýlyq áıelder kósh bastap otyr. Sonyń naqty dáleli retinde Taldyqorǵanda «Saıası qozǵalystaǵy áıelderdiń jańa múmkindikteri» atty konferensııanyń ótkenin aıtýǵa bolady. Eki kúnge sozylǵan ıgi sharany respýblıkalyq deńgeıde uıymdastyryp, halyq jadynda saqtalatyndaı etip ótkizýge Qazaqstan Respýblıkasy Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy Gúlshara Ábdiqalyqova men Qazaqstan isker áıelder qaýymdastyǵynyń prezıdenti Raýshan Sársembaeva uıytqy boldy.
Ýaqyt talabyna saı ómir qajettiligin óteýde de jetisýlyq áıelder kósh bastap otyr. Sonyń naqty dáleli retinde Taldyqorǵanda «Saıası qozǵalystaǵy áıelderdiń jańa múmkindikteri» atty konferensııanyń ótkenin aıtýǵa bolady. Eki kúnge sozylǵan ıgi sharany respýblıkalyq deńgeıde uıymdastyryp, halyq jadynda saqtalatyndaı etip ótkizýge Qazaqstan Respýblıkasy Prezıdenti janyndaǵy Áıelder isteri jáne otbasylyq-demografııalyq saıasat jónindegi ulttyq komıssııanyń tóraıymy Gúlshara Ábdiqalyqova men Qazaqstan isker áıelder qaýymdastyǵynyń prezıdenti Raýshan Sársembaeva uıytqy boldy.
Konferensııada aldymen minbege kóterilgen Gúlshara Ábdiqalyqova Jetisý óńirindegi bilgir de isker áıeldermen júzdeskenine qýanyshty ekenin aıta kelip, Almaty oblysynyń birqatar jetistikterin tilge tıek etti.
«Búginde «Qazaqstan-2050» Strategııasy sheńberinde aldymyzǵa qoıylǵan mindettiń biri adamı qapıtaldy jáne ekonomıkalyq, quqyqtyq ınstıtýttardyń tıimdi júıesin qurý bolyp tabylady. Memleket pen azamattyq qoǵamnyń, bılik pen bıznestiń arasyndaǵy baılanysty damytý, sondaı-aq, genderlik teńdikti nyǵaıtý arqyly saıası júıeni odan ári jańǵyrtý», dedi Almaty oblysy ákiminiń mindetin atqarýshy Amandyq Batalov.
Kórgen jannyń kózin toıdyryp, ádemilikterimen áıbat áserge de bólegen jetisýlyq qyz-kelinshekter memlekettik qyzmette ǵana emes, bıznes salasynda da jaqsy jetistikterge jetkendigin búgingi konferensııa ótkizilgen oblystyq ortalyq mádenıet saraıy dálizinde arnaıy uıymdastyrylǵan kórmede de kórsete bildi. Azyq-túlik ónimderimen qatar, polısııa, tótenshe jaǵdaılar jáne áskerı qyzmetkerlerge arnaıy tigilgen formalary jaýyn-shashyn men aptap ystyqta óńin buzbaıtyn shydamdy materıaldardan sapaly tigilýi tánti etse, ulttyq úlgide búldirshinderge arnap tigilip hám toqylǵan aıaq kıimderi ismer áıelder iskerligine súısintti.
Nurbol ÁLDIBAEV,
«Egemen Qazaqstan».
Almaty oblysy.