Elbasy Nursultan Nazarbaevtyń «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýynyń negizgi baǵyttary jóninde túsindirý jumysyn maqsat etken topty bastap kelgen Densaýlyq saqtaý mınıstri Salıdat Qaıyrbekova Qostanaı óńirindegi densaýlyq saqtaý salasy mamandarymen, dárigerlermen kezdesti.
Elbasy Nursultan Nazarbaevtyń «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýynyń negizgi baǵyttary jóninde túsindirý jumysyn maqsat etken topty bastap kelgen Densaýlyq saqtaý mınıstri Salıdat Qaıyrbekova Qostanaı óńirindegi densaýlyq saqtaý salasy mamandarymen, dárigerlermen kezdesti.
Elimizdiń damýyna temirqazyq bolatyn Joldaýdyń negizgi baǵyttaryna toqtalǵan mınıstr densaýlyq saqtaý salasyna memlekettiń zor qamqorlyq jasap otyrǵanyn tilge tıek etti. Sońǵy jyldary bizdiń elimizdegi áleýmettik salanyń alǵa jyljýyn dúnıe júzindegi damyǵan eldermen salystyrý abzal. Dúnıejúzilik qarjy daǵdarysyna baılanysty kóptegen elderde áleýmettik baǵdarlamalar qańtaryldy. Syrtqy naryqtyń qıyndyqtaryna qaramastan, bizdiń elimizde áleýmettik salaǵa bólingen qarjy kólemi kóbeımese azaıǵan joq. Ol densaýlyq saqtaý salasynan anyq kórinip otyr.
– Sondyqtan halyq densaýlyǵy úshin bıýdjetten bólingen qyrýar aqshanyń ár tıyny óziniń ornyn taýyp, nátıjesin kórsetýi qajet. Barlyǵymyz da sol úshin qyzmet isteýimiz kerek, – dedi mınıstr Salıdat Qaıyrbekova.
Munan keıin Salıdat Zekenqyzy densaýlyq saqtaý salasynda júzege asyrylyp jatqan ister men problemalarǵa jeke-jeke toqtaldy. Emdeý mekemelerin zamanaýı medısınalyq qural-jabdyqtarmen jabdyqtaýdyń jáne mamandar biliktiligin kóterýdiń arqasynda qazir júrek-qan tamyrlary aýrýlaryna qarsy, býyn aýystyrý sııaqty kúrdeli operasııalar tek Astana men Almaty klınıkalarynda ǵana emes, oblystardyń ózinde jasala beretin boldy. Qostanaı oblystyq aýrýhanasynda jergilikti dárigerler óz kúshimen júrek tamyrlary aqaýyna bes júzden asa operasııalar jasady.
Mınıstr densaýlyq saqtaý salasynda qyzmet sapasynyń kórsetkishteri dúnıejúzilik standartqa saı kelýi kerektigine toqtaldy. Dáriger jumysy onyń aýrýlardy kóp qabyldaýymen emes, qaıta aýrý adamdardyń azaıýymen ólshenýge tıis. Bul olardyń turǵyndar arasynda profılaktıkalyq jumystardy júrgizýine baılanysty. Sońǵy jyldary júrgizilip jatqan 12 skrınıng baǵdarlamasy aýrýdyń meńdeýin azaıtyp qana qoımaıdy, jas uzaqtyǵyn da qamtamasyz etedi. Mınıstr mundaı baǵdarlamalardy júrgizýge kez kelgen eldiń qoly jete bermeıtindigin de aıtyp ótti, óıtkeni, ol el qazynasyna óte qymbatqa túsetin shara. Sondyqtan qolda barda altyndy baǵalap, ony jumsalǵan qarjy aqtalatyndaı etip, uqypty, jiti qadaǵalaýmen, sapaly júrgizý kerektigin de eskertti. Ulttyq skrınıng baǵdarlamasynyń tórteýi onkologııalyq aýrýlardy erte anyqtaýǵa arnalǵanyn aıtsaq, onyń qanshalyqty mańyzdy ekeni ár qazaqstandyqqa túsinikti bola túsedi.
Densaýlyq saqtaý salasyndaǵy jumystardyń barlyǵy da emdeý sapasynyń jaqsarýyna, sol arqyly ólim-jitimniń azaıyp, demografııalyq jaǵdaıdyń serpilýine baǵyttalady. Osy oraıda mınıstr birinshi zvenodaǵy, ıaǵnı ýchaskelik dárigerler jumysyn jandandyrýdy tapsyrdy. Bala men ana óliminiń azaıýy, obyrdyń týberkýlezdiń erte anyqtalýy, júrek-qan tamyrlary aýrýlarynyń esepke alynýy jáne taǵy basqa da adam ólimin jıiletetin syrqattardy aýyzdyqtaý birinshi zveno, emhana jumysynyń sapasyna tikeleı táýeldi. Oblysta osyǵan baılanysty dáriger tapshylyǵy da bilinedi. Bıyl oblysqa 66 jas maman keldi, onyń 27-si emhanalarǵa barýy tıis. Qostanaı oblysy úshin bul san kadr zárýligin jaba almaıdy. Mınıstr oblysta dáriger kadrlarymen qamtamasyz etý jumysyn álde de jaqsartý qajettigin aıtty.
Oblysta bala týý kórsetkishi joǵarylaǵan, demografııalyq serpin de jaman emes. Degenmen, ana men bala óliminiń azaımaı otyrǵanyna alańdamasqa bolmaıdy. Ústimizdegi jyldyń 8 aıynda oblysta 134 bala shetinegen, bir ana ólimi oryn alǵan. HHI ǵasyrda ana men bala ólimine jol berý tek qana dáriger biliktiligine, onyń qyzmetine syn ekenin aıtty mınıstr.
– Dárigerler qyzmetiniń sapasy, onyń eń aldymen naýqasqa adamgershilikpen qaraýy, al ár sannyń artynda adam turǵanyn umytpaıyq, – dedi ol. О́lim-jitimge kóp sebepker bolatyn júrek-qan tamyrlary, onkologııalyq aýrýlarǵa jáne jaraqatqa densaýlyq saqtaý salasynda basymdyq beriledi. Mınıstr úlken joldar boıynda jedel járdem beketterin salýǵa mańyz berdi. Qostanaı oblysynda osyndaı úsh beket jumys isteıdi. Kezdesýde tek oblys qana emes, respýblıkada adamdardyń apattardan, jaraqattan qaıǵyly qazaǵa ushyraýy azaımaı otyrǵandyǵy da sóz boldy.
Densaýlyq saqtaý mınıstri Salıdat Qaıyrbekova dárigerlermen kezdesýinde Elbasy tapsyrǵan «Qazaqstan-2050» Strategııasynda aıtylǵan mindetter údesinen shyǵý úshin densaýlyq saqtaý salasynda medısınalyq qyzmet sapasyn joǵarylatý, naýqasqa dárigerlik kómektiń qoljetimdiligi, aýrýdyń aldyn alý, jappaı profılaktıka jumystaryn jandandyrý, jekemenshik klınıkalar qataryn kóbeıtý, menedjmentti ıgerý sekildi kóptegen mindetterdi taldap aıtyp berdi.
Názıra JÁRIMBETOVA,
«Egemen Qazaqstan».
QOSTANAI.