Jýyrda World Athletics Tokıo Olımpıadasynyń kelesi jylǵa shegerilýine jáne koronavırýs pandemııasyna baılanysty jeńil atletıkadan halyqaralyq jarystardyń jańa kúntizbesin jarııalady.
Sonymen qatar halyqaralyq federasııa «sport padıshasy» sanalatyn sport túriniń eń mańyzdy jarysynyń biri – «Gaýhar lıgasynyń» da jańa kestesin barshaǵa tanystyrdy. Týrnır tamyzda bastalyp, qazan aıynda máresine jetedi. Jarystyń shymyldyǵy tamyzdyń 14-inde Monakoda túrilse, maýsymnyń sońǵy jarysy Qytaıda ótedi dep josparlanǵan. «Gaýhar lıgasynyń» bıylǵy kezeńderi myna qalalarda uıymdastyrylady. Olar: Geıtshıd (16 tamyz), Stokgolm (23 tamyz), Lozanna (2 qyrkúıek), Brıýssel (4 qyrkúıek), Parıj (6 qyrkúıek), Rım/Neapol (17 qyrkúıek), Shanhaı (19 qyrkúıek), Iýdjın (4 qazan) jáne Doha (9 qazan).
Aıta keteıik, London Olımpıadasynyń chempıony, qazaqstandyq jeńilatlet Olga Rypakova 2012 jáne 2017 jylǵy «Gaýhar lıgasynda» úsh qarǵyp sekirý boıynsha eki márte jeńimpazy atanǵan.