Bul týraly Energetıka mınıstri Nurlan Noǵaev halyq aldynda esep berý kezdesýinde aıtty.
Mınıstr habarlaǵandaı halyqqa, ónerkásiptik tutynýshylar men Qazaqstan Respýblıkasynyń kásipkerlerine qoldaý kórsetý úshin Energetıka mınıstrligi taýarlyq gazǵa shekti kóterme baǵalardyń ósýine jol bermeý boıynsha jumystar júrgizdi.
О́ńirler úshin taýarlyq gazǵa shekti kóterme baǵalardy aǵymdaǵy deńgeıde saqtaý týraly sheshim qabyldandy.
Aǵymdaǵy deńgeıde bekitilgen taýarlyq gazǵa shekti kóterme baǵalar halyq, kishi jáne orta bıznes, bıýdjettik uıymdar úshin taýarlyq gazǵa bólshek saýda baǵalaryn tejeýge ákeledi jáne mýltıplıkatıvti áser retinde jylý energııasyn óndiretin jáne elektr energııasyn shyǵaratyn otyn-energetıkalyq kesheni úshin tarıfterdi tejeýge yqpal etedi.
Buryn 2019 jylǵy 1 qańtardan bastap Mınıstrlik taýarlyq gazǵa shekti kóterme saýda baǵalaryn óńirine qaraı 3,8-den 17,5% sheginde tómendetti. Bul elimizdiń barlyq gazdandyrylǵan óńirlerinde elektr energııasy men jylýǵa túpkilikti baǵany tómendetýge múmkindik berdi.
Mınıstrlik bekitken taýarlyq gazǵa shekti kóterme saýda baǵasy 2019 jylǵy 1 shilde – 2020 jylǵy 30 maýsym aralyǵynda da aǵymdaǵy deńgeıde saqtaldy.