Qazaqstan Respýblıkasy Prezıdenti Ákimshiliginiń kelisimi boıynsha oblys ákiminiń mindetin atqarýshysynyń ókimimen Qazbekova Mıra Jomartqyzy oblystyq ishki saıasat basqarmasynyń basshysy laýazymyna taǵaıyndaldy.
Mıra Qazbekova 1984 jyly týǵan. Qorqyt Ata atyndaǵy Qyzylorda memlekettik ýnıversıtetin «Qazaq tili men ádebıeti pániniń muǵalimi», Qyzylorda qalasyndaǵy «Bolashaq» ýnıversıtetin «Zańger» mamandyqtary boıynsha bitirgen.
Eńbek jolyn 2005 jyly Memlekettik qyzmetshilerdi jáne bıýdjettik sala qyzmetkerlerin qaıta daıarlaý jáne biliktiligin arttyrý óńirlik ortalyǵy baspasóz klýbynyń mamany retinde bastaǵan.
2005-2008 jyldary Qyzylorda qalasy ákimi apparatynyń jetekshi mamany-baspasóz hatshysy, oblystyq ishki saıasat departamentiniń bas mamany qyzmetterin atqarǵan.
2008-2017 jyldary qala ákiminiń bas ınspektory-baspasóz hatshysy, qala ákimi apparatynyń bólim basshysy, oblystyq muraǵattar men qujattama basqarmasy basshysynyń orynbasary boldy.
2017-2019 jyldary qalalyq mádenıet jáne tilderdi damytý bóliminiń basshysy, qala ákimi apparatynyń basshysy laýazymyn atqarǵan.
2019 jyldan osy kezge deıin Qyzylorda qalasy ákiminiń orynbasary qyzmetin atqaryp keldi.