Quqyq qorǵaý organdarynyń ókilderi, eriktiler qala turǵyndarymen túsindirý jumystaryn júrgizip, olardy maska kııýge jáne basqa da qorǵanys quraldaryn paıdalanýǵa shaqyrdy, dep habarlaıdy elorda ákimdiginiń resmı saıty.
Tártip saqshylary men eriktiler koronavırýs ınfeksııasynyń taralýyn boldyrmaý úshin sanıtarlyq normalardy múltiksiz saqtaý qajetin halyqqa túsindirý jumystaryn jalǵastyrýda.
Eriktiler sanıtarlyq normalardy saqtamaý elordada karantın rejımin alyp tastaý ýaqytyn keıinge qaldyrýy múmkin ekenin túsindirýmen ǵana shektelmeı, turǵyndarǵa maska taratýda. Kún saıyn polısııa departamentiniń qyzmetkerleri men eriktilerden turatyn mobıldi toptar aýlalardy, qoǵamdyq oryndardy, saıabaqtardy jaıaý patrýldeıdi.
«Bizdiń elimizde beıbitshilik bolsyn, barshańyzǵa zor densaýlyq tileımin. Koronavırýs ınfeksııasyn birlesip jeńemiz», – deıdi maska alǵan qala turǵyny.
Qala turǵyndary ózi men jaqyndarynyń densaýlyǵyna jaýapkershilikpen qaraýǵa tıis. Sanıtarlyq talaptar men gıgıena erejelerin saqtaý – vırýstyń taralýyna qarsy kúrestiń eń durys ádisi. Kúndelikti ómir yrǵaǵyna oralý elordanyń árbir turǵynyna tikeleı baılanysty. Sonymen qatar tártip saqshylary maska kııý rejımin, áleýmettik qashyqtyqty jáne karantın talaptaryn qatań saqtaýǵa shaqyrdy.