Bul sáýirde bolǵan daýyldyń saldary. Mamandardyń aıtýynsha, qatty jelden jyǵylǵan aǵashtardyń sany áldeqaıda kóp bolýy múmkin. Sebebi tabıǵı ulttyq parki aýmaǵy áli tolyq qaralmaǵan. Al ormanshylar erekshe qorǵalatyn aımaqty jyl sońyna deıin tazalap úlgermeımiz dep otyr.
Qazirgi ýaqytta «Býrabaı» tabıǵı ulttyq parkiniń aýmaǵy osyndaı qulaǵan aǵashtarǵa toly. Daýylǵa negizinen qaraǵaı osal bolady eken. Aldaǵy ýaqytta endi bul aǵashtar kesilip, materıal retinde qoldanylmaq.
Sáýirde bolǵan dúleı daýyldyń saldarynan park aýmaǵynda 19 myńnan astam aǵash qulaǵan. Jyǵylǵan jasyl jelektiń kóbi 1 ǵasyr boıy ósip turǵan qaraǵaılar.
– Sebebi bul aǵashtar tamyry topyraqta emes, qumda bolǵandyqtan qatty jelge tótep bere almaı otyr, – deıdi «Býrabaı» memlekettik tabıǵı ulttyq parkiniń orman sheberi Omar Smaıylov.
Mamandardyń aıtýynsha, bul aǵashtardyń ornyna ádeıilep kók egilmeıdi. Jasyl jelekti otyrǵyzý jumysy jyldaǵy jospar boıynsha júzege asyrylady.