«Jumyspen qamtýdyń jol kartasy – 2020» baǵdarlamasynyń 117 ınfraqurylymdyq jobasy boıynsha birneshe apta ishinde 78 jumys berýshige 2 370 adam jumysqa ornalasty. Bul týraly elorda ákimdiginiń resmı saıty habarlady.
«Siz cz.astana.kz portalynyń DKZ 2020 bóliminde jobalardyń tizimin qarap, ózińizge sáıkes bos jumys orynyn tańdaı alasyz», – dep jazdy qala ákiminiń orynbasary Malıka Bekturova óziniń https://t.me/MBekturova telegram arnasynda.
Sonymen qatar bul qyzmetti oflaın rejımde alýǵa bolady. Ol úshin Smart Astana mobıldi qosymshasy arqyly jumyspen qamtý ortalyǵyna onlaın-kezekke turý qajet. Ári qaraı maman bos jumys oryndarynyń tizimin usynyp, jumys izdeýshi retinde tirkeıdi jáne áńgimelesýge joldama beredi.
Tolyq aqparatty «Atameken» UKP mobıldi jumyspen qamtý ortalyqtarynan, myna meken-jaılar boıynsha alýǵa bolady: Bógenbaı batyr dańǵyly, 6/5; Alash tas joly 31/1; Gete kóshesi, 1; N. Tilendıev dańǵyly 24; Abylaıhan dańǵyly, 31; Sh.Ýálıhanov kóshesi, 24; Qabanbaı batyr dańǵyly, 21; Shalkóde kóshesi, 1.