2020 jylǵy 22 mamyrda «QazMunaıGaz» UK AQ Dırektorlar keńesi 2019 jyldyń qorytyndysy boıynsha 81,7 mlrd teńge mólsherinde dıvıdend tóleýdi uıǵardy. Bul aldyńǵy jylmen salystyrǵanda shamamen eki ese kóp, dep habarlady aksıonerlik qoǵamnyń jurtshylyqpen baılanys departamenti.
Dıvıdend tóleý týraly sheshim Memleket basshysynyń tapsyrmasyn eskere otyryp, dıvıdend saıasatyna sáıkes qabyldandy jáne Kompanııanyń negizgi aksıonerimen kelisildi. Dırektorlar keńesi QMG-nyń aǵymdaǵy qarjy jaǵdaıyn, aqsha aǵyny boljamyn, halyqaralyq kredıttik reıtıngterge yqpaldy, jumys oryndaryn saqtaý boıynsha atqarylyp jatqan jumysty, sondaı-aq memleket múddesi úshin iske asyrylyp jatqan josparly ınvestısııalardy qosymsha nazarǵa aldy.
2019 jyldyń qorytyndysy boıynsha aýdıtten ótken qarjylyq eseptilikke sáıkes dıvıdend tóleýden bólek, QMG aksıonerlerge Nur-Sultan jáne Túrkistan qalalarynda áleýmettik nysandardy salýǵa arnalǵan qarajatty qosa alǵanda 20 mlrd teńge joldady.
Kompanııa óziniń qyzmetinen túsken kiristi syrtqy qaryzdaryna qyzmet kórsetýge de jumsaıtynyn atap ótken jón. Olardy óteý somasy 2019 jyly shamamen 997 mlrd teńgeni (2,6 mlrd dollar) qurady.