«Qurmetti otandastar! Barshańyzdy Qazaqstan Respýblıkasynyń Memlekettik rəmizder kúnimen shyn júrekten quttyqtaımyn!
Bul elimizdiń egemendigi men tutastyǵyn, birligi men yntymaǵyn pash etetin qasterli rəmizderimizdi ulyqtaıtyn mereke. Búginde Memlekettik Tý, Eltańba, Ənuran ushtaǵany jer sharynyń ər qıyrynda júrgen Uly Dala eliniń ul-qyzyna maqtanysh sezimin uıalatatyn belgige aınaldy.
Memlekettik rəmizderimiz osynaý keń atyrapty qasyq qany qalǵansha qorǵaǵan ata-babalar armanynan, taǵylymdy tarıhymyzdan syr shertip qana qoımaı, əlemdik qaýymdastyqqa Təýelsiz Qazaqstannyń beıbitsúıgish el ekenin pash etip keledi.
Halqymyzdyń aıbaryn asqaqtatyp, boıyna ultjandylyq darytatyn nyshandar tórimizden túspeı, tuǵyry bıik bolsyn», - delingen quttyqtaý hatynda.