Áriptesimiz, elimizge belgili jýrnalıst Oralhan Dáýit búgin Jambyl oblystyq «Aq jol» gazetiniń bas redaktory bolyp taǵaıyndaldy.
Oralhan Dáýit ár jyldary el gazeti «Egemen Qazaqstan» basylymynda Ońtústik Qazaqstan, Jambyl oblystaryndaǵy menshikti tilshi bolyp eńbek etti. Sonymen qatar, bas basylymnyń bólim meńgerýshisi bolyp ta qyzmet atqardy. Sondaı-aq, ár jyldary Jambyl oblystyq «Araı» gazetiniń dırektor-bas redaktory, respýblıkalyq «Jas Alash» gazeti bas redaktorynyń orynbasary boldy.
Qoǵamdaǵy kúrdeli máselelerdi der kezinde qozǵap, utymdy pikir bildiretin Oralhan Dáýit qazaq baspasóziniń qazanynda qaınap, maıdanynda shyńdalǵan bilikti maman. Onyń ár jyldary jazylyp, baspasóz betterinde jaryq kórgen maqalalary da laıyqty baǵalanyp, jýrnalıstıka salasyndaǵy birqatar syılyqtardy ıelengen. Sonymen qatar, «Aq samaýyr» atty áńgimeler jınaǵy jaryq kórgen.
Jambyl oblysy