Qyzylorda oblysynda vırýs juqtyrǵandardyń 450-i sımptomdy túrine, al elýi sıptomsyz túrine shaldyqqandar. Bul týraly óńirlik kommýnıkasııa ortalyǵynda ótken brıfıngte oblystyq densaýlyq saqtaý basqarmasynyń basshysy Jaqsylyq Ábdisámetov habarlady.
– Sońǵy táýlikte taǵy 4 turǵynnyń vırýs juqtyrǵany anyqtalyp otyr, – dedi basqarma basshysy. – Olardyń ekeýi Qyzylorda qalasynyń, bireýi Shıeli, taǵy biri Jańaqorǵan aýdanynan. Úsh adamnan dert belgili aýrýhanaǵa jatqanda anyqtalsa, bir turǵynnan óz betinshe test tapsyrý kezinde belgili bolǵan.
Qazir oblys boıynsha 129 naýqas em alyp jatyr. Olardyń tórteýiniń jaǵdaıy aýyr. Basqarma basshysy brıfıngte osy ýaqytqa deıin oblysta 38 170 test tapsyrylǵanyn atap ótti.