Qazaqstandyq ánshi Danelııa Tóleshova "America’s Got Talent" jobasynyń jańa maýsymyna qatysyp jatyr, - dep habarlaıdy Egemen.kz
America’s Got Talent shoýyndaǵy Danelııanyń tyńdalymy 3 epızodta kórsetildi. 13 jasar qazaqstandyq ónerpaz kanadalyq ánshi Faouzia-nyń "Tears of Gold" ánin oryndady. Qazylar alqasy men shoý qonaqtary Danelııanyń ónerin joǵary baǵalap, otandasymyzǵa tik turyp qoshemet kórsetti.
"Men áıgili America's Got Talent atty baıqaýda baǵymdy synap kóremin. Meniń oıymsha, bul kez kelgen ártis úshin qatysýdy armandaıtyn óte joǵary deńgeıdegi konkýrs. О́te qyzyqty bolatynyna senimdimin. Árbir kezeńde ózimdi 150% kórsetýge tyrysamyn. Eger siz úshin qyzyqty bolsa, baıqaýdy tamashalaýdy bastańyz", - dep Danelııa shoý aldynda óziniń pikirimen bólisti.
15-shi ret uıymdastyrylyp jatqan áıgili baıqaý 26 mamyr kúni NBC telearnasynda, al 29 mamyrda Netflix platformasynda bastaldy. Qazylar alqasynyń quramynda America’s Got Talent shoýynyń negizin qalaýshy jáne jobanyń prodıýseri Saımon Koýell, talantty ártis Sofııa Vergara, sán áleminiń juldyzy Haıdı Klým, kópshiliktiń súıikti ázilqoıy Hoýı Mendel bar. Shoýdyń júrgizýshisi - Terrı Krıýs.
Telejoba 2006 jyldyń 21 maýsymynan bastap dástúrli túrde ótkizilip keledi. Talanttar shoýynda ánshiler, bıshiler, sıqyrshylar, ázilqoılar jáne barlyq jastaǵy basqa da talantty adamdar óner kórsetedi. America ' s Got Talent shoýynyń bas júldesi - 1 mıllıon dollar.
Aıta ketý kerek, Danelııa Tóleshova buǵan deıin "Golos Ýkraına", "Junior Eurovision" jáne "The World's Best" jobalaryna qatysqan edi.