Túrkistan oblysy ákimdiginiń bastamasymen Nur Otan partııasynyń Maqtaaral aýdandyq fılıaly Fırdoýsı eldi mekeninde qurylys mamandaryn shaqyrtyp, master-klass uıymdastyrdy. Ondaǵy maqsat – turǵyndarǵa qurylys talaptaryn úıretip, baspanalardyń sapaly ári talapqa saı boı kóterýine yqpal etý.
Cý tasqynynan zardap shekken Maqtaaral aýdanynyń turǵyndary arasynda jańa baspanany ózderi salyp alǵysy keletinder az emes. Bul oraıda olarǵa memleket tarapynan qurylysqa qajet qarajat, ıaǵnı 17 mln teńge berilýde. Naqtyraq aıtsaq, fırdoýsılyq 183 otbasynyń árqaısysyna 17 mln teńgeniń 50 paıyzy ıaǵnı, 8,5 mln teńgesi tolyq aýdarylǵan. Iаǵnı jer bólingen, qarjy bar, jaǵdaı jasalǵan, turǵyndarǵa mamanyn taýyp ta iske kirisý ǵana qalǵan bolatyn. Osy oraıda olarǵa mamandardyń keńesi men tájirıbesiniń kómegi kóptep tıgeni anyq.
Sheberlik sabaq barysynda turǵyndarǵa úıdiń irgetasyn quıý kezinde qansha sement qosý kerektigi, kirpish qalaýda qandaı talaptardy saqtaý qajettigi jan-jaqty túsindirildi. "Búgin jergilikti partııa belsendiler uıymdastyrǵan master-klass bizge óte qajet edi. О́ıtkeni turǵyndardyń kóbi qurylys jumystarynyń talaptaryn bile bermeıdi. Osyny eskergen janashyrlarǵa alǵys aıtamyz", deıdi Fırdoýsı aýylynyń turǵyny Muhamedjan Mırzahodjaev.
Topan sýdan zardap shekken Fırdoýsı aýylynda 338 úı bar bolsa, sonyń búginde 271-i tolyǵymen buzylǵan. Búginde 26 úıdiń irgetasy quıylyp, 3 baspananyń qabyrǵasy qalanýda.