Almatyda MTK Global kompanııasynyń uıymdastyrýymen kásipqoı boks keshi ótetini jaıynda biz buǵan deıin de habarlaǵanbyz.
Aıtýly jarystyń basty jekpe-jeginde kimder judyryqtasatyny belgili boldy. Sharshy alańda áli eshkimnen jeńilmegen qazaqtyń qos myqtysy – Dáýren Eleýsinov pen Arman Rysbek kúsh synasady. Ekeýiniń de áýesqoılar arasynda qol jetkizgen tabystary eleýli.
33 jastaǵy Batys Qazaqstan oblysynyń týmasy Dáýren Eleýsinov áýesqoılar arasynda biraz jyl baq synady. El chempıony atandy, Azııa birinshiliginde qola medaldi ıelendi, birqatar halyqaralyq týrnırlerde top jardy. Ol Qazaqstannyń maqtanyshy, Olımpıada jáne chempıony Danııar Eleýsinovtiń týǵan aǵasy. Kásipqoı rıngte 8 kezdesý ótkizgen qandasymyz 7 ret jeńiske jetti. Barlyǵynda aıqyn basymdyq tanytty. Taǵy bir básekede teń esep tirkeldi.
Alataý baýraıynda dúnıege kelgen 29 jastaǵy Arman Rysbek úsh dúrkin Qazaqstan chempıony, Azııa birinshiliginiń qola júldegeri, birqatar hzalyqaralyq jarystardyń jeńimpazy. Dúnıejúzilik boks serııasy dodasynda "Astana arlandarymen" birge sol jobanyń jeńimpazy atandy. Kásipqoılar arasynda 7 kezdesýdiń barlyǵyn jeńispen aıaqtaǵan qazaq boksshysy alty qarsylasyn esinen tandyrdy.