Bilim jáne ǵylym mınıstri Ashat Aımaǵambetov vedomstvonyń apparat jınalysynda muǵalimderge jalaqy men demalys aqysynyń ýaqytyly tólenýin tekserip, qysqa merzim ishinde tıisti sharalar qoldanýdy tapsyrdy.
1-16 maýsym aralyǵynda Bilim salasyndaǵy sapany qamtamasyz etý departamentteri tıisti monıtorıng júrgizdi. Olardyń málimetteri boıynsha, eńbek demalysyna shyqqan pedagogterdiń 93%-y demalys aqysyn ýaqytyly aldy. Qalǵan 7%-yna ýaqytyly tólemegeni anyqtaldy.
Jumys berýshiler muǵalimderge eńbek demalysynyń tólemin keshiktirgeni nemese tólemegeni úshin zańǵa sáıkes jazalanady.
«Mınıstrlik muǵalimderdiń shaǵymdaryn qarastyryp, demalys aqysyn tóleý boıynsha jaǵdaıdy baqylaýda ustap otyr. Bıýdjette jalaqyǵa da, eńbek demalysy aqysyna da qarajat qarastyrylǵan. Iаǵnı aqsha bar, biraq keıbir aımaqtarda tólemniń ýaqtyly jasalmaǵany anyqtaldy», deıdi mınıstrliktiń baspasóz qyzmeti.
A.Aımaǵambetov Bilim jáne ǵylym salasyndaǵy sapany qamtamasyz etý komıtetine eńbekaqyny ýaqytyly tólemeý, onyń ishinde muǵalimderge tólenetin demalys aqysy týraly faktilerdi tıisti shara qoldaný úshin oblystyq memlekettik eńbek ınspeksııalaryna jiberýdi tapsyrdy.
Zańǵa sáıkes, mektepter men balabaqshalardaǵy pedagogterge jalaqy tóleý tikeleı aýdannyń nemese qalanyń bıýdjetinen júzege asyrylatynyn aıta ketken jón. Bıýdjettik josparlaý jáne tólemderdi uıymdastyrý – qalalar men aýdandar ákimdikteriniń quzyretinde.
Qazaqstan Respýblıkasynyń «Pedagog mártebesi týraly» Zańynyń 12-baby 1-tarmaǵynyń 3) jáne 4) tarmaqshalarynda aıqyndalǵan áleýmettik kepildikterge pedagogke 56 kúntizbelik kúnge tólenetin jyl saıynǵy aqyly eńbek demalysy, sondaı-aq kúntizbelik jylda eńbek demalysy kezinde keminde bir laýazymdyq jalaqy mólsherinde densaýlyǵyn jaqsartýǵa beriletin járdemaqy kiredi.