Búgin oblys ákimi Gúlshara Ábdiqalyqovanyń tóraǵalyǵymen oblystyq jedel shtabtyń kezekten tys otyrysy ótti, - dep habarlaıdy Egemen.kz.
Kún tártibinde "COVID-19" koronavırýstyq ınfeksııasynyń aldyn-alý sharalary, "Jumyspen qamtý jol kartasy" jáne "Eńbek" memlekettik baǵdarlamalarynyń oryndalý barysy qaraldy.
"Respýblıka boıynsha epıdemıologııalyq jaǵdaı kúrdeli, sońǵy kúnderi koronavırýs ınfeksııasynyń kún saıyn 1000-ǵa jýyq jaǵdaıy tirkelýde. Oblys aýmaǵynda jalpy 665 adam tirkelse, onyń 507-i sımptomdy, 158-i sımptomsyz túri. Epıdemıologııalyq ahýalǵa baılanysty karantındik shekteýlerdiń saqtalýyn qatań baqylaýǵa alyp, monıtorıngtik toptardyń jumystaryn jandandyrý qajet", - dedi oblys ákimi.
Aımaq basshysy zalalsyzdandyrý jumystaryn júrgizýdi kúsheıtip, oblystyq bilim basqarmasynyń basshysyna 12 balaǵa deıin ruqsat etýdi qospaǵanda jalpy balabaqshalar jumysyn toqtata turý joldaryn qarastyrýdy tapsyrdy.
Jıynda oblys ákiminiń orynbasary N. Baıqadamov "Jumyspen qamtý" jol kartasynyń, al, oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy T.Dúısebaev "Eńbek" memlekettik baǵdarlamasynyń oryndalýy týraly baıandady.
Oblys ákimi Gúlshara Ábdiqalyqova qala jáne aýdan ákimderine memlekettik baǵdarlama arqyly jumys júrgizip jatqan merdiger mekemelerdiń jumysshylardy kelisimshartpen nemese eńbek sharttaryn "Elektrondyq eńbek sharttaryn esepke alýdyn biryńǵaı júıesi" avtomattandyrylǵan derekqorǵa engizý arqyly jumysqa qabyldaýyn qadaǵalaýdy tapsyrdy.
Qyzylorda oblysy boıynsha halyqty jumyspen qamtýǵa yqpal jasaý jónindegi 2020 jylǵa arnalǵan keshendi jospar qabyldanǵan. Onyń ishinde "Eńbek" memlekettik baǵdarlamasy aıasynda jumysqa 7359 adam tartyldy. Eńbek naryǵynda suranysqa ıe kásipter boıynsha maýsym aıynyń 17-nen bastap 1800 azamatty qysqa merzimdi oqytý josparlanýda. Sondaı-aq, 15 maýsymnan 888 baǵdarlamaǵa qatysýshy "Bastaý Bıznes" jobasy boıynsha kásipkerlik negizderin onlaın rejımde oqýdy bastady.