Túrkistan oblysy Jetisaı aýdanynda 200-den asa kóshe orta jáne aǵymdaǵy jóndeýden ótetin bolady. Oǵan jalpy 1 mlrd 217 mln 869 myń teńge baǵyttalǵan. Nátıjesinde aýdandaǵy 113 eldi mekenniń jáne qala men kenttiń kósheleri jaqsarady.
Aýdan boıynsha orta jóndeý jumystary júrgiziletin 38 kósheniń 33-i aýyldardyń enshisinde. Al, 162 kóshege aǵymdaǵy, ıaǵnı tas tóseý jumystary júrgiziletin bolady. Qosymsha 3 kóshege aıaq joldar salynady.
"О́tken jyly aýdanda 166 kóshe jóndeýden ótse, bıyl 200-den asyp otyr. Bul aýdan tarıhynda rekordty jol jóndeý jumystary bastaldy degen sóz. Sondaı-aq, oblys ákimi О́mirzaq Estaıulynyń arnaıy tapsyrmasymen 63 shaqyrymdy quraıtyn 130 kóshege aǵymdaǵy jol jóndeý jumystary júrgiziledi. Ol bıyl bastalady", deıdi aýdan ákimi Jamantaı Beısenbaev.
Sonymen qatar, uzyndyǵy 20 shaqyrymǵa jýyq "Jetisaı - Maqtaly" baǵytyndaǵy KH86 avtomobıl joly jóndeýden ótetin bolady.
Túrkistan oblysy