Sendaı qalasynyń aspanynda paıda bolǵan shar tárizdes formadaǵy obekti japon polısııasyn ábden ábigerge saldy. Belgisiz obekti týraly qala turǵyndarynan jappaı habarlamalar men shaǵymdar kelip tústi, dep jazady Egemen.kz
Polısııa ókilderi obektiniń tabıǵatyn anyqtaý úshin tikushaqty jibergen, alaıda tek onyń 1,5 shaqyrym bıiktikte ushyp bara jatqany anyqtalǵan. Ol eki propeller men krest tárizdi konstrýksııasy bar aq sharǵa uqsaıdy-mys.
Bul tarapta Japonııanyń Kólik mınıstrligi, meteorologııalyq basqarmasynyń málimdeýinshe, obektini tabý qıynǵa soǵýda jáne kópshilik jınalatyn ne bolmasa áýejaı ornalasqan aýdandarda ushý kezinde aldyn ala arnaıy ruqsat bolýy qajet. Biraq olarǵa bul týraly eshqandaı ótinish kelip túspegendigi aıtyldy. Sársenbi kúni keshkisin shar shyǵys teńizine qaraı ushyp, kózden ǵaıyp bolǵan. Shar tárizdes obekti ózimen birge qupııasyn ala ketken sııaqty.