Stýdenttik qurylys jasaqtary jumystaryn bastap ketti. Olar oblys ortalyǵynda júrip jatqan 4 qurylys nysanynda eńbek etip jatyr, dep jazady Egemen.kz
Kókshetaýdaǵy qurylys nysandarynda Qytaı men Mońǵolııadan kelip, bilim alyp jatqan 20-dan asa jas eńbek etýde. Jastardy jumysqa qabyldaýǵa ázir áli de 7 qurylys kompanııasy bar.
"Aqmola oblysynyń ishki saıasat basqarmasy, jastar resýrstyq ortalyǵy, Kókshetaý qalasynyń jumyspen qamtý ortalyǵy nıet bildirgen 16 men 29 jas aralyǵyndaǵy stýdentter men jastardy jazǵy maýsymdy jumysqa shaqyrady. Jalaqysy 85 myń teńgeden bastalyp, kúrdeliligine qaraı kóterilip otyrady", deıdi oblystyq ishki saıasat basqarmasy jastar isi jónindegi bóliminiń jetekshisi Almat Núkenov.
Qurylys jumystaryna sylaqshy, syrlaýshy, elektrık, jol jumysshysy, dánekerleýshi, betonshy jáne ártúrli jumys isteı alatyn arnaıy mamandyǵy joq jastar alynady.