Premer-Mınıstr Asqar Mamınniń tóraǵalyǵymen ótken Úkimet otyrysynda bıologııalyq qaýipsizdik salasyndaǵy ǵylymı-zertteý qyzmeti týraly bilim jáne ǵylym mınıstri Ashat Aımaǵambetov baıandady, - dep habarlaıdy Egemen.kz.
A. Aımaǵambetovtyń aıtýynsha, Qazaqstanda bıologııalyq qaýipsizdik jáne bıotehnologııa salasynda júıeli túrde ǵylymı zertteýler júrgiziledi. Salada 12 ǵylymı uıym, 2,5 myńǵa jýyq adam jumys isteıdi. Búgingi tańda elimizdiń 19 joǵary oqý ornynda salanyń 4 myńǵa jýyq bolashaq mamany bilim alýda.
Ulttyq bıotehnologııa ortalyǵy — bıologııalyq beıindegi iri ǵylymı uıymdardyń biri. Ortalyq 25 sertıfıkattalǵan ǵylymı zerthanadan turady.
"Pandemııanyń bastapqy kezeńinde, elimizge test-júıeleri áli ákelinbegen kezde, osy mekemeniń mamandary 6 kún ishinde jasandy sıntezdi paıdalana otyryp, SARS COVID-2 tiri shtammy bolmaǵan kezde, koronavırýsty dıagnostıkalaý úshin senimdi PTR test-júıesin ázirledi. Osy júıeniń arqasynda indettiń alǵashqy kúnderinde jalpy dıagnostıka júzege asyryldy. Keıinirek alynǵan sheteldik dıagnostıkalarmen salystyra otyryp, osy júıeniń joǵary sezimtaldyǵy dáleldendi", — dedi mınıstr.
Búginde Ulttyq bıotehnologııa ortalyǵy Densaýlyq saqtaý mınıstrliginiń tapsyrysy boıynsha 11 myń test-júıesin ázirledi.
Osy saladaǵy taǵy bir mańyzdy uıym — Bıologııalyq qaýipsizdik problemalarynyń ǵylymı-zertteý ınstıtýty. Instıtýttyń 13 zerthanasynda qaýipti ınfeksııalarmen jumys júrgizilýde. Instıtýt DDSU-men densaýlyq saqtaý salasynyń qajettiligi úshin asa qaýipti ınfeksııalarǵa qarsy vaksınalardy ázirleýge kelisimshart jasasty. Instıtýt jumysy medısınada jáne aýyl sharýashylyǵynda vaksınalardyń jańa túrlerin ázirleýge, ımmýnobıologııalyq preparattardy óndirýge baǵyttalǵan. Barlyǵy uıym qaýipti jáne asa qaýipti ınfeksııalarǵa qarsy otandyq vaksınalardyń 67 túrin ázirledi.
Sonymen qatar Instıtýt ǵalymdary úsh platformada KVI-ǵa qarsy bes vaksına ázirlenýde.
"Alǵashqy ınaktıvasııalanǵan vaksına – vırýs hımııalyq zattardyń áserinen beıtaraptandyrylǵan. DDSU belsendiligi joıylǵan kandıdattyq vaksınany ázirleý hattamasyn tekserip, 2020 jylǵy 15 mamyrda óz tizimine qosty", — dedi mınıstr.
2020 jylǵy 15 mamyrda kandıdattyq ınaktıvasııalanǵan vaksınaǵa klınıkaǵa deıingi synaqtar bastaldy: jelilik tyshqandardaǵy qaýipsizdik pen ımmýnogendigi tekserildi.
2020 jylǵy 10-23 maýsymda kandıdattyq vaksınanyń ýyttylyǵy men allergııalyq qasıetteri zertteldi, sondaı-aq osy jyldyń maýsym-shilde aılarynda zertteýler ártúrli janýarlarda, sonyń ishinde prımatta jasalady, ımmýnogendigi zertteledi.
Qyrkúıek aıynda klınıkalyq synaqtarǵa shyǵý josparlanǵan.
Mınıstrdiń aıtýynsha, atalǵan synaq kezeńderi sátti bolǵan jaǵdaıda vaksınanyń tıimdiligi men zııansyzdyǵyn tekserýdiń kelesi kezeńderine ótý múmkindigi paıda bolady.