Qazaq eliniń elordasynda Reseı Federasııasy Bashqurtstan Respýblıkasynyń kúnderi ótip jatqanyn budan buryn da aıtqan edik. Sol ıgilikti istiń aıasynda Astana qalasynyń ákimi Imanǵalı Tasmaǵambetov pen Ýfa qalasynyń qalalyq óńiri ákimshiliginiń basshysy Irek Iаlalov eki qala arasyndaǵy Dostyq jáne yntymaqtastyq týraly kelisimge qol qoıdy.
Qazaq eliniń elordasynda Reseı Federasııasy Bashqurtstan Respýblıkasynyń kúnderi ótip jatqanyn budan buryn da aıtqan edik. Sol ıgilikti istiń aıasynda Astana qalasynyń ákimi Imanǵalı Tasmaǵambetov pen Ýfa qalasynyń qalalyq óńiri ákimshiliginiń basshysy Irek Iаlalov eki qala arasyndaǵy Dostyq jáne yntymaqtastyq týraly kelisimge qol qoıdy.
Bul kelisim saýda-ekonomıkalyq, mádenıet pen óner, ózge de gýmanıtarlyq salalar, basqa da qurylymdar boıynsha ózara qarym-qatynastardy keńeıtýge baǵyttalǵan. Sol sekildi, Astana men Ýfa qalalaryndaǵy kólik, turǵyn úı-kommýnaldyq sharýashylyq, baılanys júıelerindegi ozyq tájirıbeler boıynsha aqparattar almasýǵa kelisildi. Munymen qatar, halyq shoǵyry mol qalalardy taza aýyzsýmen qamtamasyz etýdiń jańa tehnologııalaryn engizý, qorshaǵan ortany qorǵaý, turmystyq qaldyqtardy qaıta óńdeý, tabıǵı nemese tehnogendi sıpattaǵy dúleı apattar men tótenshe jaǵdaılar zardaptaryn joıý, ekologııalyq saqtandyrý men ekologııalyq sertıfıkattaýdy engizýdi jetildirý boıynsha jobalardy júzege asyrý da jan-jaqty oılastyrylǵan.
Al ǵylym jáne joǵary tehnologııalar, bilim berý, densaýlyq saqtaý, mádenıet, jastar saıasaty, deneshynyqtyrý jáne sportty damytýdaǵy seriktestikti óristetý de kelisimnen kórinis tapqan.
Eki qalanyń arasyndaǵy týrıstik áleýetti ulttyq dástúrler sheńberinde óristetip, jańa zamanǵa saı baǵyttardy jetildirip, osy sala boıynsha atqarylatyn qyzmetter shoǵyryn keńeıtý joldaryna da jete mán berilipti. Sol sekildi atalmysh qujat aqparattyq saladaǵy, sonyń ishinde elektrondy buqaralyq aqparat quraldary jáne teleradıo baǵdarlamalary arasyndaǵy ózara tájirıbe almasýdy uıymdastyrý, ony osy yntymaqtastyq sheńberinde ornyqtyrý da jan-jaqty qarastyrylǵan. Mundaı keleli isti kemshiliksiz atqaryp otyrý úshin, únemi is ústinde bolatyn úılestirýshi organdy qurý da oılastyrylǵan.
Ýfa – Reseıdiń iri ónerkásip jáne kólik qurylymdary shoǵyrlanǵan, ǵylym men mádenıettiń úlken jetistikteri jetip artylatyn 700 sharshy shaqyrymdy alyp jatqan tarıhı qala. Onda ónerkásip áleýeti shamamen 50 paıyzdy quraıtyn iri ortalyqta munaı óndirý, hımııa jáne munaı hımııasy, mashına jasaý, qurylys materıaldary tárizdi iri jáne ortasha kásiporyndar jumys isteıdi. Eki qala basshysy qurylymdar boıynsha ózara kelisimde kórsetilgen jumystardy júıeli júrgizý arqyly baýyrlas jurttardyń iltıpatty yntymaqtastyǵy jalǵasyn taba beredi degen baılamǵa toqtady.
Súleımen MÁMET,
«Egemen Qazaqstan».