al-Gamdı degen arab qyzyn zorlap, óltirgeni úshin 8 jyl aldy
Saýd Arabııasynda 8 qazan kúni ótken sot prosesi óziniń 5 jasar qyzyn zorlap, artynan óltirip tastaǵan Faıhana al-Gamdı degen azǵynǵa 800 márte dúre soǵyp, 8 jylǵa túrmege otyrý jazasyn belgiledi. Bul týraly «Komsomolskaıa pravda» gazeti habarlady.
Buǵan qosa, adamdyqtan bezgen aıýan burynǵy áıeline qyzynyń ótemaqysy retinde 1 mln. saýd rıalyn (270 myń dollarǵa jaýyq) tóleıdi. Sharıattyń zańy boıynsha, ol bul aqshany burynǵy jubaıynyń buǵan ólim jazasy berilýin úzildi-kesildi talap etpeýine aıyrbas retinde berýi kerek eken. Al basynda áıel odan 10 mln. rıal talap etken kórinedi.
«Sot sondaı-aq Gamdıdiń ekinshi áıelin de osy qylmysty kórip-bile tura quqyq qorǵaý organdaryna habarlamaǵany úshin jazalap otyr. Oǵan sondyqtan qylmysqa qatysýshy retinde aıyp taǵylyp,10 aı túrmede otyrý men 150 dúre qabyldaý jazasy belgilendi», - dep jazdy France-Presse gazeti.
Habarlanǵandaı, Gamdıdiń 5 jasar qyzy 2011 jyldyń jeltoqsanynda denesine túsken kóptegen jaraqatymen aýrýhanaǵa jatqyzylǵan. Sol kúıi aıyǵa almaǵan náreste birneshe aıdan keıin qaıtys bolǵan. Sábı birneshe ret zorlyqqa ushyrap, aıaýsyz óltirilgen. Onyń qabyrǵasy men sol qoly synyp ketipti. Bas súıegi byt-shyt bolǵan. Denesinen kóptegen soqqy men kúıiktiń izi kóringen. Ákesi muny qyzynyń qyzdyq belgisin joǵaltyp alǵanyna kúdiktengennen jasaǵanyn aıtqan.
Bul qylmys Saýd Arabııasymen birqatar shet elderde úlken qozǵalys pen tolqý týǵyzdy. Sebebi, qańtar aıynda bul azǵynǵa kóp mólsherde tólemaqy tóletip alyp, ózin túrmeden bosatady nemese az mólsherde jyl kesedi, degen áńgime tarap ketipti.
Negizi, Saýd Arabııasynda zorlaý men adam óltirýge tek qana ólim jazasy kesiledi. Alaıda, bul zań qyz-kelinshekterdiń kúıeýleri men ákelerine qoldanylmaıdy. Er kisi óziniń jeke áıeli men qyzdaryna qatysty mundaı sıpattaǵy qylmys jasaǵany úshin 5 jyldan 12 jylǵa deıin ǵana túrmege otyrady.
Sultan Bozaıǵyr.