Taıaý kúnderde qashqyn olıgarh, BTA banktiń burynǵy basshysy Muhtar Ábilázovtiń quny 250 mln. dollar turatyn eki aktıvi Qazaqstanǵa qaıtarylatyny belgili boldy. Bul respýblıka quqyq qorǵaý organdarynyń ýkraınalyq bıznesmen Sergeı Tıshenkony iske qosýy arqasynda múmkin bolǵan sııaqty.
Taıaý kúnderde qashqyn olıgarh, BTA banktiń burynǵy basshysy Muhtar Ábilázovtiń quny 250 mln. dollar turatyn eki aktıvi Qazaqstanǵa qaıtarylatyny belgili boldy. Bul respýblıka quqyq qorǵaý organdarynyń ýkraınalyq bıznesmen Sergeı Tıshenkony iske qosýy arqasynda múmkin bolǵan sııaqty.
«Reseıde S.Tıshenko negizin qalaǵan «Faktor» kompanııasynyń toby qazaq quqyq qorǵaý organdarymen birlese áreket etýiniń nátıjesinde Muhtar Ábilázovtiń jalpy quny 250 mln. dollarǵa baǵalanyp otyrǵan «Tolmachevo logoparki» JAQ men «Pyshma» JShQ aktıvterin baqylaýǵa aldy», – delingen «Faktor» kompanııasy baspasóz qyzmetiniń habarlamasynda.
2007 jyly «Eýrazııa logıstık» bastamasymen qurylǵan «Tolmachevo logoparki» JAQ 2007 jyly «Eýrazııa logıstık» birlesýimen Novosibirdegi Tolmachev áýejaıynyń janynan aýmaǵy 806 myń sharshy metrdi quraıtyn iri ındýstrıaldy park qurylysyn bastaý úshin qurylǵan bolatyn.
Osylaısha, «Tolmachevo logoparki» ekonomıkanyń ártúrli sektorlaryndaǵy «A» klasyna jatatyn kompanııalarǵa sapaly qoıma alańdaryn jalǵa beredi. «Pyshma» JShQ (Ekaterınbýrg) – onyń Oraldaǵy iri qoıma jobasy. Jalpy aýmaǵy 280 myń sharshy metrdi quraıdy. Qazirgi tańda 190 myń sharshy metrden astam qoıma alańdary paıdalanýǵa berilgen.
Esterińizge sala keteıik, 6 mlrd. dollardy jymqyryp ketti degen aıyp taǵylǵan BTA bank dırektorlar keńesiniń burynǵy basshysy Muhtar Ábilázov ústimizdegi jylǵy 31 shilde kúni Fransııanyń tústik betkeıindegi Kann qalasynda qolǵa túsken bolatyn. Sol ýaqyttardan beri ony EKS-an-Provansa soty Ýkraına men Qazaqstannyń birine ekstradısııalaý máselesin sheship jatyr. Al bizdiń elimizde qashqyn olıgarhty 13 jyldyq túrmede otyrý jazasy kútip tur.
Rýslan IGILIK.