Qostanaı qalalyq aýrýhanasy búgin tústen keıin sýyq tıgen, tumaý juqtyrǵan jáne ókpesi qabynǵan naýqastardan basqa aýrýlardy qabyldaýyn toqtatty. Budan bylaı qalalyq aýrýhana 250 oryndyq provızorlyq stasıonar qyzmetin atqaratyn bolady, - dep habarlaıdy Egemen.kz.
Densaýlyq saqtaý basqarmasynyń buıryǵymen provızorlyq stasıonarǵa basqa emhanalardaǵy dárigerler men medbıkeler qosymsha jumysqa alynǵan. Qalalyq aýrýhanadaǵy salalyq dárigerlerdiń bári provızorlyq naýqastardy qabyldap, tek solardy emdeýmen aınalysatyn bolady. Sonymen qatar naýqastardyń kezekke turý máselesi rettelip, emdeý mekemesinde call ortalyq uıymdastyryldy. Mundaǵy jedel kómek kórsetý bólimi men jaraqat bólimi oblystyq aýrýhanaǵa kóshirilgen.
"Biz Qostanaı turǵyndaryn sabyr saqtaýǵa shaqyramyz. Qazir dárigerler kúsheıtilgen rejimde jumys istep jatyr. Sizder bas sanıtarlyq dárigerdiń nusqaýyn oryndaý arqyly, bizge kóp kómek tıgizetinderińizdi túsinińizder. Jasyryn jıyn ótkizýdi, qonaqqa barýdy, qonaq shaqyrýdy qoıyńyzdar. Úıden betalbaty shyqpańyzdar. Jaqyndaryńyzdy, týys-týǵandaryńyzdy qorǵańyzdar", - dep habarlady basqarmanyń baspasóz qyzmeti.
Qostanaı oblysy