Aýyl men qala toly ala qarbyz

Aýylda qazir kúzgi jıyn-terinniń naǵyz qyzǵan shaǵy. Elordada kúzde jyl saıynǵy dástúrli jármeńke ótedi. Oblystyq aýyl sharýashylyǵy basqarmasynyń habaryna qaraǵanda, jármeńkege oblystyń 150-ge jýyq aýylsharýashylyq ónimderin ósirýmen, óndirýmen aınalysatyn sharýa qojalyqtary, seriktestikteri qatysty. Kúzgi jármeńkege sharýashylyqtar 665 tonna azyq-túlik, onyń ishinde et, sút, sary maı, kúnbaǵys maıy, kartop, bal, qaımaq, qurt-irimshik, qospa, nan-toqash ónimderi, úırek-qaz, kókónistiń túr-túrin, Lebıajiniń qarbyzdaryn alyp barǵan bolatyn.

Aýylda qazir kúzgi jıyn-terinniń naǵyz qyzǵan shaǵy. Elordada kúzde jyl saıynǵy dástúrli jármeńke ótedi. Oblystyq aýyl sharýashylyǵy basqarmasynyń habaryna qaraǵanda, jármeńkege oblystyń 150-ge jýyq aýylsharýashylyq ónimderin ósirýmen, óndirýmen aınalysatyn sharýa qojalyqtary, seriktestikteri qatysty. Kúzgi jármeńkege sharýashylyqtar 665 tonna azyq-túlik, onyń ishinde et, sút, sary maı, kúnbaǵys maıy, kartop, bal, qaımaq, qurt-irimshik, qospa, nan-toqash ónimderi, úırek-qaz, kókónistiń túr-túrin, Lebıajiniń qarbyzdaryn alyp barǵan bolatyn.

Kartop-qarbyz demekshi, burynǵy bir jyldary óńirge bul ónimder ońtústikten jetkizilip turýshy edi. Qazir oblys 320 myń tonna kartopty jınap alýǵa ázir­lenýde. Lebıaji aýdanynyń bir ǵana «Qaırat» sharýashylyǵy gek­tarynan 200 sentnerden qar­byz alýda. Sondyqtan, ósirgen ónimderi jyl saıyn osylaı asta-tók baılyqqa kenelsin degen nıet­pen jaqsy sharalar ótkizil­di. Jurtshylyq oblys ortalyǵyn­da alǵash ret «Pavlodar kartoby-2013» kórmesin, «Le­bıa­ji­lik qarbyz-2013» qarbyz fes­­tı­va­lin qyzyqtady. Pav­lo­­dar­dan Qaraótkel jaqqa ba­ra­tyn kúzgi jármeńkeniń oıyn-saýyq qor­jyny da án men kúıge toly bol­ǵan-dy. Oblystyń halyq shy­ǵar­­ma­shylyǵy ujymdary men qolónershileri, ulttyq sport maı­talmandary da saparǵa myq­ty daıyndaldy. Qaırat Shapý basqaratyn «Qaırat» sharýa qojalyǵy gektarynan 200 sent­nerden qarbyz jınaýda. Sha­rýa­shylyq 15 jyl boıy qar­byz ósirip keledi. Qarbyz bul bizdiń aýdannyń brendine aınaldy. Lebıajiniń qarbyzy degen aty naryqqa endi, búkil oblys biledi, – deıdi aýdan ákimi Aızada Qurmanova. Bul ári bolashaq qarbyz ósirýshi balalar úshin de qajet. Eńbek, paıda, tabys qaıdan keletinin túsinip, kórip ósedi.

Byltyr ár gektardan 115 sent­nerden ónim alsa, bıyl ár gek­ta­ry­nan 250-300 sentner ónim alý­da. Sharýashylyq qarbyzdyń 36 sor­tynyń 25 túrin ósiredi. Kór­­shiles Reseı aýyldarynan da su­ra­nys túsýde. Bıyl jalpy aýma­ǵy 500 gektar jerge qarbyz egil­di. Qazir ónim mol. Alqap toly ala qarbyz.

Qyzyǵa qaraısyń. Oblys or­ta­lyǵynda turatyn qalalyqtar da, ózge aýdandar men aýyldar da Lebıa­jiniń qarbyzdaryn satyp alýda.

Farıda BYQAI,

«Egemen Qazaqstan».

Pavlodar oblysy,

Lebıaji aýdany.