Elbasy N.Á.Nazarbaev 2010 jyldyń 28 mamyrynda Vasılkov kenishindegi altyn aıyrý fabrıkasyn iske qosyp, oǵan «Altyntaý-Kókshetaý» degen at berdi. Bul Qazaqstannyń údemeli ındýstrııalyq-ınnovasııalyq damý baǵdarlamasy sheńberindegi ozyq joba sanalady. Aıryqsha nysan qurylysy 2008 jyldyń aqpanynda bastalyp, eki jylǵa jetpeıtin rekordty ýaqytta aıaqtaldy. Álemdik tájirıbede mundaı dárejedegi fabrıkanyń boı kóterýine ádette bes jyl jumsalatyn kórinedi.
Elbasy N.Á.Nazarbaev 2010 jyldyń 28 mamyrynda Vasılkov kenishindegi altyn aıyrý fabrıkasyn iske qosyp, oǵan «Altyntaý-Kókshetaý» degen at berdi. Bul Qazaqstannyń údemeli ındýstrııalyq-ınnovasııalyq damý baǵdarlamasy sheńberindegi ozyq joba sanalady. Aıryqsha nysan qurylysy 2008 jyldyń aqpanynda bastalyp, eki jylǵa jetpeıtin rekordty ýaqytta aıaqtaldy. Álemdik tájirıbede mundaı dárejedegi fabrıkanyń boı kóterýine ádette bes jyl jumsalatyn kórinedi.
О́ndiris aýmaǵy, qaldyq qoımasyn qosa eseptegende, 3 gektardy alyp jatyr. Onyń qurylysyna 2000 adam, 40 kran, 20 merdiger uıym qatysqan. Mundaıda ekpin bolatyny anyq. Biraq, qurylys isi men jobalaý-smetalyq qujattardyń daıyndalýy qatar júrgizilgeni ýaqyttan utýǵa septik jasaǵany kórinip tur.
Fabrıkaǵa jumyldyrylǵan ınvestısııa kólemi de atalǵan jobanyń utqyrlyǵy men el aýqymyndaǵy strategııalyq mańyzyn aıqyndaı túsedi. Onyń qurylysyna 425,5 mıllıon dollar qarjy jumsalsa, qazirgi tańdaǵy keshendi qaıta jańǵyrtý isine 64,1 mıllıon dollar bólindi. Buǵan qosymsha, taý-ken daıyndyǵy jumystaryna 2017 jylǵa deıin 65,5 mıllıon dollar qarjy baǵyttaý josparlanyp otyr. «Altyntaý-Kókshetaý» fabrıkasynda sheteldik ozyq 10 fırmanyń 600 ataýly jabdyqtary ornalastyrylǵan. Mundaı jaǵdaıda ınvestısııalyq jobalardy basqarý úderisiniń qıyndyǵy men qyzyqtylyǵyn bezbendeý de ońaı emestigi belgili.
Qaıtarym qandaı degende, óndiristik taqtadaǵy sıfrlarǵa nazar salǵanymyz jón sııaqty. Kásiporyn 2009-2012 jyldar aralyǵynda 42,3 mıllıon tekshe metr taý jynysyn óńdep, 16,3 mıllıon tekshe metr rýda óndirdi. Sondaı-aq, 35 mıllıon tonna temir rýdasyn baıytý fabrıkasyna jóneltip, 21,2 tonna altyn alǵan. Altyn fabrıkasy iske qosylǵaly tabıǵatty qorǵaý sharalaryna 13,5 mıllıon dollar jumsalypty. Ýly áserdegi zattar 111 myń sharshy metrlik arnaıy qoımada saqtalady. Onyń aýqymyn elestetý úshin, qoımaǵa 27 fýtbol alańyn ornalastyrýǵa bolatyndyǵyn aıtýymyzǵa bolady. Munda 2005 jyldan beri 1700 jańa jumys orny qurylsa, jalaqy mólsheri Aqmola oblysynyń jıyntyq kórsetkishinen 1,26 ese, elimiz boıynsha 1,57 ese artyq. Jyl saıyn 47,5 mıllıon dollarǵa jýyq salyq ótemderin qamtamasyz etetin ujym óz jumysshylary úshin 95 páterli jańa turǵyn úıdi paıdalanýǵa berse, qalalyqtarǵa 320 oryndyq balalar baqshasyn syıǵa tartyp, buryn bolmaǵan tennıs ortalyǵyn ıgilikke berý qamynda.
Respýblıka Úkimeti altyn óndirýshiler eńbegin laıyqty baǵalady. Kásiporyn Qazaqstan Prezıdentiniń «Altyn sapa» syılyǵy men halyqaralyq «Altyn gefest» marapatynyń ıegeri atanyp otyr.
Dýman ÁBDIRAMANOV,
«Altyntaý – Kókshetaý» JShS atqarýshy
dırektory.