Qazir ne kóp, elimizdiń kez kelgen qalalary men eldi mekenderinde ashylyp jatqan kafe-meıramhanalar men saýda, oıyn-saýyq oryndary kóp. Árıne, onyń qajettiligin joqqa shyǵarýǵa bolmaıdy. Áıtse de, jeke bıznes ókilderiniń birinshiden óz paıdalaryn kózdep osyndaı sıpattaǵy nysandar turǵyzýǵa beıim turatyny da jasyryn emes. Onyń esesine olar sport keshenderi men mádenı-demalys ǵımarattaryn salyp paıdalanýǵa beripti degen jaǵymdy jańalyqty sırek estımiz. Bul otandyq shaǵyn jáne iri bıznes qurylymdary arasynda mesenattyq qozǵalystyń áli de baıaý ekenin tanytqandaı.
Qazir ne kóp, elimizdiń kez kelgen qalalary men eldi mekenderinde ashylyp jatqan kafe-meıramhanalar men saýda, oıyn-saýyq oryndary kóp. Árıne, onyń qajettiligin joqqa shyǵarýǵa bolmaıdy. Áıtse de, jeke bıznes ókilderiniń birinshiden óz paıdalaryn kózdep osyndaı sıpattaǵy nysandar turǵyzýǵa beıim turatyny da jasyryn emes. Onyń esesine olar sport keshenderi men mádenı-demalys ǵımarattaryn salyp paıdalanýǵa beripti degen jaǵymdy jańalyqty sırek estımiz. Bul otandyq shaǵyn jáne iri bıznes qurylymdary arasynda mesenattyq qozǵalystyń áli de baıaý ekenin tanytqandaı.
Oral qalasynda osyndaı áleýmettik máni men mańyzy joǵary, buqaralyq sporttyń damýyna óz septigin tıgize alatyn aıryqsha nysannyń ashylýyna «Nafata» saýda úıi» JShS bastamashy bolyp otyr. Bul qurylym «Kondensat» AQ kompanııasy quramyna kiredi. Onyń basshysy Valerıı Júnisov jańa sport kesheni tek kompanııa qyzmetkerleri úshin ǵana emes, sonymen birge, barsha óńir turǵyndarynyń sportpen shuǵyldanýlary úshin jasalǵan baǵa jetpes syı ekenin atap kórsetti.
Aınadaı jarqyraǵan sý jańa ǵımarattyń syrtqy kórinisi qandaı sándi bolsa, onyń ishindegi sport zaldary kóp qyrlylyǵymen erekshelenedi. Munda, bir sózben aıtqanda, sporttyń jeńil atletıka dep atalatyn sapyna kiretin – fýtbol, valeıbol, kórkem gımnastıka, ústel tennısi, úlken tennıs, badmınton sekildi túrlerimen kez kelgen turǵyn emin-erkin aınalysa alady.
Atalǵan jańa sport kesheni Oral qalasynyń qaq ortalyǵynda, Keńes Odaǵynyń Batyry Súndetqalı Esqalıev kóshesiniń boıynda ornalasqan.
Temir QUSAIYN,
«Egemen Qazaqstan».
ORAL.
––––––––––––––
Sýrette: jańa sport kesheniniń syrtqy kórinisi.