Depýtattar «Astana – Shýche» aqyly avtomobıl jolynyń jumysymen tanysty
Senat Tóraǵasynyń orynbasary Asqar Beısenbaev bastaǵan Qazaqstan Respýblıkasy Parlamenti Senaty jáne Májilisiniń depýtattary aqyly kólik jolynyń jumysyndaǵy ereksheliktermen tanysý maqsatynda «Astana – Shýche» aqyly avtomobıl jolynda boldy, dep habarlady Senattyń baspasóz qyzmeti.
Depýtattar «Astana – Shýche» aqyly avtomobıl jolynyń jumysymen tanysty
Senat Tóraǵasynyń orynbasary Asqar Beısenbaev bastaǵan Qazaqstan Respýblıkasy Parlamenti Senaty jáne Májilisiniń depýtattary aqyly kólik jolynyń jumysyndaǵy ereksheliktermen tanysý maqsatynda «Astana – Shýche» aqyly avtomobıl jolynda boldy, dep habarlady Senattyń baspasóz qyzmeti.
Kúrejoldy jańǵyrtý jumystary 2006 jyly bastalyp, 2009 jyly aıaqtalǵany belgili. Qaýipsizdikti arttyrý jóninde qabyldanǵan sharalardyń nátıjesinde, atap aıtqanda, jol jıegine kedergiler qoıylǵannan keıin jol tehnıkalyq 1 sıpattaǵy 6 jolaqty qozǵalystaǵy jolǵa aýystyrylyp, apat kóp bolatyn jol qaýipsiz joldardyń birine aınaldy. Statıstıka málimetteri boıynsha, joldaǵy adam ómirine qaterli kólik oqıǵalary 8 esege tómendedi.
Mundaı joldardy ustap turýdyń shyǵyndary da joǵary bolyp otyr. Máselen, uzyndyǵy 210 shaqyrym bolatyn «Astana – Shýche» kúrejolynyń boıyndaǵy qoqysty, qardy tazalaý, jaryq berý, jasyl jelekke bóleý men usaq-túıek jóndeý jumystary jyl saıyn 1,3 mıllıard teńgeni qajet etedi.
Bul jaǵdaıdy eskere otyryp, jolda júrýden túsetin kiris kúrejoldy ustap turýǵa jetetindeı bolý úshin eń tómengi baǵany belgileý jáne joldy aqyly etýge sheshim qabyldanǵan bolatyn.
Depýtattar avtomobılder júrisi úshin tólem tóleý barysymen, operatorlar men tólem alý júıesiniń jabdyqtarynyń jumystarymen tanysty.
Depýtattarǵa berilgen aqparat boıynsha, Astanadan Býrabaıǵa deıin (210 shaqyrym) jeńil kólik júrgizýshisi 200 teńge tóleıtin bolady. Sóıtip, 1 shaqyrymnyń ortasha quny = 1 teńge bolyp otyr. Salystyra qaraıtyn bolsaq, kórshiles Reseıde joǵary jyldamdyqta júretin kúrejolda júrý aqysy 5 ese qymbat, Ispanııada 1 shaqyrym – 18 teńge, Fransııada – 15, Polshada 7,5 teńge turady.
Júrýge tólem alý júıesi men tólem qabyldaý termınaldarynyń jumystaryn tanystyra kelip, «QazAvtojol» ulttyq kompanııasy» aksıonerlik qoǵamy basqarmasynyń tóraǵasy Erik Sultanov ««Astana – Shýche» aqyly jolynda jergilikti kólikterdiń júrý jónindegi tólemge jeńildikter engizildi», dep atap ótti.
Qazaqstan Respýblıkasy Úkimetiniń «Respýblıkalyq mańyzy bar «Astana – Petropavl» avtomobıl jolynyń «Astana – Shýche» bóligin aqyly negizde paıdalaný týraly» qaýlysyna bıylǵy 1 qazanda tıisti tolyqtyrýlar engizildi.
Jergilikti kólikter úshin jeńildikter retinde Aqmola oblysyndaǵy 5 (Shortandy, Aqkól, Bulandy, Eńbekshilder jáne Býrabaı) aýdandarynda tirkelgen kólik quraldaryna júrý úshin abonenttik aqy engizilip otyr. Abonenttik aqynyń jyldyq mólsheri 1000 teńgeni quraıdy.
Depýtattarǵa aıtylǵandaı, Qazaqstandaǵy jol júrý quny eń tómengi deńgeıde belgilengen. Bul mólsherlemeni esepteý barysynda kúrejoldyń qurylysyna ketken qarjy emes, tek ony jyl saıynǵy ustap turý jáne ony jóndeý shyǵyndary ǵana eskerilgen.
«Avtomobılshilerge qatysty alǵanda, olarǵa barlyq jaǵdaı jasalǵan. Tipti, egerde tehnıka toqtap qalǵan jaǵdaıda osyndaǵy ınjenerlik qyzmet jedel túrde ony joıa alady», – dedi M.Bortnık jýrnalısterdiń saýalyna oraı.
Aqyly avtomobıl jolyn paıdalana bastaǵan 1 shildeden beri túsken qarjy búgingi kúni 334 mıllıon teńgeni qurap otyr, sonymen birge, jyl basynan beri joldyń betki qabatyn jóndeý, qar tazalaý, jol belgilerin, jol jıegindegi kedergilerdi qoıý jáne aýystyrý, telekommýnıkasııa jáne jaryq berý qyzmeti, patrýldeý, aramshópterdi orý jáne mańaıdaǵy aýmaqtardaǵy qoqystardy jınaý, sondaı-aq, demalys alańdaryn jóndeý jáne ustap turýdy qosa alǵanda aǵymdaǵy jóndeý jumystary men joldy ustap turýǵa 895,6 mıllıon teńge jumsaldy.
«Astana – Shýche» avtomobıl jolyn qysta paıdalanýǵa ázirlik jumystary aıasynda qarasha aıynyń sońyna deıin 10,1 shaqyrymǵa temirbeton qorshaýlar ornatý josparlanyp otyr. Qazirdiń ózinde onyń 48 paıyzy ornatyldy. Sondaı-aq, qar basyp qalatyn aýmaqtarda qardan qorǵaý qalqandary jasalyp, joldy paıdalaný bólikteri qosymsha arnaıy tehnıkalarmen jabdyqtalatyn bolady.
Kúrejoldyń «Astana – Shýche» bóliginiń aqyly bolýyna baılanysty jol qabatynyń joǵary sapasy eskerildi jáne júk kólikteri belaǵashyna túsetin aýyrtpalyq 11,5 tonnaǵa deıin ruqsat etiletin boldy, ol júk tasymaldaýshylarǵa qandaı bolsa da qosymsha aqy nemese aıyppul tólemeýge múmkindik beredi.
Búgingi tańda joldyń «Astana – Shýche» bóliginde kólik quraldarynyń jıiligi táýligine 5 500-den 7 000-ǵa deıin jeńil, júk kólikteri jáne avtobýstardy qurap otyr.