Qazaqstan Prezıdenti janyndaǵy Áıelder isteri jáne otbasylyq-demografııalyq saıasat jónindegi komıssııanyń tóraıymy Gúlshara Ábdiqalyqovanyń Fınlıandııaǵa sapary ótti, dep habarlady QR SIM-iniń baspasóz qyzmeti.
Qazaqstan Prezıdenti janyndaǵy Áıelder isteri jáne otbasylyq-demografııalyq saıasat jónindegi komıssııanyń tóraıymy Gúlshara Ábdiqalyqovanyń Fınlıandııaǵa sapary ótti, dep habarlady QR SIM-iniń baspasóz qyzmeti.
Atalǵan sapar 17-18 sáýirde Fınlıandııanyń Prezıdenti Saýlı Nıınıstıoniń Qazaqstanǵa jasaǵan memlekettik sapary barysynda jetkizilgen ýaǵdalastyq sheńberinde iske asyryldy.
Sapar baǵdarlamasynyń resmı bóligine Bilim jáne mádenıet, Áleýmettik ister jáne densaýlyq saqtaý, Syrtqy ister mınıstrlikterindegi, Fınlıandııanyń Parlamentindegi, Genderlik teńdik boıynsha keńestegi kelissózder kirdi. Bizdiń elimizge degen erekshe qurmet belgisi retinde Fınlıandııa Prezıdentiniń jubaıy Iennı Haýkıo hanym komıssııanyń tóraıymy G.Ábdiqalyqovany qabyldady.
Baǵdarlamanyń jeke bóligi teńdik máseleleri boıynsha Ombýdsmenmen kezdesý jáne Úkimettik emes fın áıelder uıymdarynyń koalısııasyna barý boldy.
Kelissózder barysynda qazaqstandyq tarap áleýmettik saıasatty iske asyrýdyń negizgi aspektileri men genderlik teńdikti saqtaý, sonyń ishinde zańdy qamtamasyz etý, Fınlıandııadaǵy otbasylyq-demografııalyq saıasattyń praktıkalyq aspektileri jóninde habardar etildi.
Komıssııanyń tóraıymy G.Ábdiqalyqova fın tarapyna «Qazaqstan-2050» Strategııasy aıasynda elimizdiń áleýmettik saıasatynyń ózekti aspektileri, sondaı-aq Qazaqstandaǵy genderlik teńdikti saqtaý men áıelderdiń kásibı ósýiniń múmkindikteri jóninde habarlady.