Bıylǵy 9 aıda ónerkásip ónimderiniń naqty kólem ındeksi 102,1 paıyzdy qurady. Statıstıka agenttiginiń málimeti boıynsha, bul ýaqyt aralyǵynda shıki munaı, tabıǵı gaz jáne tústi metaldar kenderin óndirý artqan. Tómendeý Aqmola, Batys Qazaqstan, Qostanaı, Qyzylorda jáne Pavlodar oblystarynda baıqalǵan.
Bıylǵy 9 aıda ónerkásip ónimderiniń naqty kólem ındeksi 102,1 paıyzdy qurady. Statıstıka agenttiginiń málimeti boıynsha, bul ýaqyt aralyǵynda shıki munaı, tabıǵı gaz jáne tústi metaldar kenderin óndirý artqan. Tómendeý Aqmola, Batys Qazaqstan, Qostanaı, Qyzylorda jáne Pavlodar oblystarynda baıqalǵan.
Elimizde deneshynyqtyrý-saýyqtyrý keshenderin salýǵa 4,7 mlrd. teńge bólindi. Sport jáne dene shynyqtyrý isteri agenttiginiń tóraǵasy Erlan Qojaǵapanovtyń aıtýynsha, qazir sport keshenderine suranys 1 mln. sharshy metr kólemnen asady.
Búgin Almatyda Shyǵys Qazaqstannyń bal jáne aýylsharýashylyq ónimderi jármeńkesi bastalady. Oblys kúnderi aıasynda ótetin shara úsh kúnge sozylyp, eki óńir kásipkerleriniń kezdesýine ulasady.
Keshe Qyzylordada respýblıkalyq aqyndar aıtysy márege jetti. Qalanyń 195 jyldyǵy men «Qazgermunaı» BK» AQ-tyń 20 jyldyǵy qurmetine ótkizilgen jyr saıysynyń bas báıgesin Dıdar Qalıev jeńip alyp, 2 mln. teńgeniń syılyǵyna qol jetkizdi.
Jambyl oblysynda ondaǵan sý elektr stansalary salynady. Osy týraly málimdegen oblys ákimi Qanat Bozymbaev alǵashqy mundaı nysannyń taıaý aralyqta Merki aýdany jerinde paıda bolatynyn habarlady.
Aqtaýda taǵy bir sáýlet kompozısııasy qatarǵa qosyldy. Maıak túrinde boı kótergen ol qala men teńiz portynyń 50 jyldyǵyna arnalyp jasaldy. Saltanatty ashylý rásimine jergilikti atqarýshy bılik ókilderi, porttyń ardagerleri men qyzmetkerleri, sonymen birge, qala turǵyndary qatysty.
Respýblıka kedenshileri 52 mln. teńgeni quraıtyn kontrabandalyq taýardy toqtatty. Derekke qaraǵanda, tutynym taýarlary Túrkııadan Qazaqstan azamatynyń atyna ákelinip, Jambyl oblysyndaǵy kedendik baqylaý departamentiniń qyzmet aımaǵynda resimdelgen.
«QazAqparat», «Qazaqstan jańalyqtary», Bnews.kz, TengriNews, EgemenNews habarlary boıynsha daıyndaldy.