Máskeýde aýyr salmaqty kásipqoı boksshylar Aleksandr Povetkın men Vladımır Klıchkonyń arasyndaǵy shaıqastyń qorytyndylaryna baǵa berýshiler qazir kóbeıip tur. Solardyń biri – Reseıdiń belgili kınorejısseri Nıkıta Mıhalkovtyń pikiri basym kópshiliktiń oıyn bildiredi. Bul týraly «Sovetskaıa Belorýssııa» gazetiniń tilshisi habarlady.
«Olımpııskıı» kesheninde eki boksshynyń shaıqasyn óz kózimen kórgen ataqty óner mamany onyń barynsha adal da ádil ótkenin aýyzǵa aldy.
Eske sala keteıik, 5 qazan kúni Máskeýde oryn alǵan bul jekpe-jekte ýkraın boksshysy Vladımır Klıchko qarsylasyn aıqyn basymdyqpen, eshbir talassyz jeńgen edi.
«Bul óte bir aýyr aıqas boldy, ol barlyq ýaqytta birdeı taza da bolmaǵan shyǵar, biraq ádil boldy. О́ziniń talantyn júz paıyzǵa paıdalana biletin adamdar bolady. Klıchko – óziniń qolynda bar nárseni túgel paıdalana alatyn naǵyz, týabitti boksshy, onyń qoly da uzyn, boıy da uzyn, aqyly da artyq, jyldamdyǵy da artyq, taǵysyn taǵylar. Men onyń jeńgeni óte-móte ádildik boldy dep esepteımin. Endi Povetkın qorytyndy shyǵarar dep oılaımyn. Sebebi, ekrannan beıne-jelini kórý bir bólek te, betpe-bet kelip, urysyp kórý tipti bólek. Ol vıdeony kóre salyp, jeńip ketýge bolmaıtynyn uqqan shyǵar. Men onyń jaqynnan salynatyn shaıqasqa «ushyp-ushyp» baryp turǵanyn durys deımin, biraq soqqysynyń jyldamdyǵy budan góri kóbirek bolýy kerek edi», - dep túıindegi N.Mıhalkov.
Damır Qojamqul.