Astanada «Qazaqstan Respýblıkasy – Eýropalyq Odaq» Yntymaqtastyq komıtetiniń 13-shi otyrysy jáne Qazaqstan men Eýropalyq Odaq arasyndaǵy Keńeıtilgen áriptestik jáne yntymaqtastyq týraly jańa kelisim boıynsha kelissózderdiń tórtinshi raýndy ótti.
Astanada «Qazaqstan Respýblıkasy – Eýropalyq Odaq» Yntymaqtastyq komıtetiniń 13-shi otyrysy jáne Qazaqstan men Eýropalyq Odaq arasyndaǵy Keńeıtilgen áriptestik jáne yntymaqtastyq týraly jańa kelisim boıynsha kelissózderdiń tórtinshi raýndy ótti.
Qazaqstan delegasııasyn atalmysh is-sharalardyń ekeýinde de Syrtqy ister mınıstriniń orynbasary Alekseı Volkov, al Eýropa delegasııasyn Eýropalyq Odaqtyń syrtqy áreketter qyzmetiniń Reseı, Shyǵys áriptestik, Ortalyq Azııa, aımaqtyq yntymaqtastyq pen EQYU máseleleri jónindegi dırektoratynyń dırektory Gýnnar Vıgand bastady.
Qazaqstan Respýblıkasynyń Eýropalyq Odaqpen strategııalyq áriptestikti jan-jaqty keńeıtý men kúsheıtý saıasaty sheńberinde komıtet otyrysyna qatysýshylar saýda men ınvestısııalar, energetıka, kólik, qorshaǵan ortany qorǵaý men óńirlik yntymaqtastyqtyń ózekti máselelerin talqylady. Taraptar, sondaı-aq jańa qaýip-qaterlermen kúresýdegi birlesken kúsh-jigerler men adam quqyqtarynyń qamtamasyz etilýi máselelerin qozǵady.
Jańa kelisim boıynsha kelissózder jumys toptary men plenarlyq sessııa pishinde ótti, taraptar bolashaq kelisim jobasynyń saıası, saýda-ekonomıkalyq, quqyqtyq, qarjylyq jáne gýmanıtarlyq yntymaqtastyq máselelerin qamtıtyn barlyq taraýlaryn pysyqtady.
Taraptar Qazaqstan men EO arasyndaǵy ekijaqty yntymaqtastyqtyń sapaly jańa, anaǵurlym jetilgen deńgeıin kórsetýdegi jáne olardyń uzaq merzimdi teń quqyly áriptestiginiń berik negizin qamtamasyz etýdegi kelisimdi daıyndaýǵa óz múddesin taǵy bir márte rastady.
«Egemen-aqparat».