О́tken jarty jyl ishinde baılanys operatorlary shalǵaı aýyldarǵa talshyqty-optıkalyq baılanys jelilerin júrgizip, 649 aýyldy keń jolaqty Internetke qosty, dep habarlaıdy Egemen.kz Sıfrlyq damý mınıstrliginiń baspasóz qyzmetine silteme jasap.
Iske asyrylyp jatqan joba sheńberinde 2020 jyldyń sońyna deıin baılanys operatorlary 1250-den astam aýyldy sapaly ınternetpen qamtamasyz etedi. Ol úshin 20 myń shaqyrym talshyqty-optıkalyq baılanys jelisi salynýda. Memlekettik-jeke menshik áriptestik aıasynda júzege asyrylyp jatqan joba 2018 jyly bastaldy. Onyń basty maqsaty - 3700-den astam memlekettik organdar men bıýdjettik uıymdardy, onyń ishinde mektep, aýrýhana, ákimdik jáne t.b. keńjolaqty Internetke qosý. Sonymen qatar, joba júzege asyryla bastaǵaly beri shalǵaıdaǵy 962 aýyl jyldamdyǵy joǵary Internetpen qamtylǵan.
QR Sıfrlyq damý mınıstrligi Telekommýnıkasııa komıtetiniń tóraǵasy Vıtalıı Iаroshenkonyń aıtýynsha, bul joba basqa da jobalardy júzege asyrýǵa múmkindik týǵyzbaq.
"Shalǵaıdaǵy aýyldarǵa jyldamdyǵy joǵary ınternetti tartý úshin ınfraqurylym qajet. Qazir baılanys operatorlary tıisti ınfraqurylym - «Optıka» jelisin júrgizýde.Bulmobıldi operatorlardyń osy "optotalshyqty" jelige qosylýyna jáne sapaly ınternetpen qamtýyna jaǵdaı jasaıdy. Osylaısha, 3G/4G mobıldi tehnologııasy nemese symsyz baılanysý tehnologııasy boıynsha bir aýyl ǵana emes, jaqyn mańdaǵy aýyldarda da keńjolaqty Internetke qosylatyn bolady", - dep atap ótti Iаroshenko.
Elimizde Internet jelisin odan ári damytýǵa baǵyttalǵan taǵy bir jobanyń júrgizilip jatqanyn esterińizge salyp ótemiz. Onyń aıasynda, 2020 jyldyń sońyna deıin uıaly baılanys operatorlary 3G/4G mobıldi jáne FWA - FixedWireless Access symsyz baılanysý tehnologııalaryn qoldana otyryp, turǵyn sany 250-den kóp aýyldardyń bárin keńjolaqty Internetke qosady. Mınıstrlik uıaly baılanys operatorlarymen birge yntymaqtastyq týraly tıisti memorandýmǵa qol qoıdy.
Osylaısha, osy jyldyń sońyna qaraı el halqynyń 99,3% keń jolaqty Internetti paıdalanatyn bolady.