9 qyrkúıek kúni Almatyda ardagerler uıymdarynyń ondaǵan ókili Ásker úıine kireberistegi AQSh-tyń shlagbaýmyn buzyp tastady. Bul týraly «Vremıa» gazeti jazdy.
Ásker úıine keletin ardagerlerdi únemi kireberistegi baqylaý beketinde AQSh áskeriniń kıimin kıip alǵan kúzetshiler tekseredi eken. Ardagerler AQSh-tyń munda nelikten baqylaý beketin ornalastyrǵanyn túsinbeı dal bolýda. Olar bul suraqty AQSh elshiligine de, elimizdiń memlekettik organdaryna da aıtqan eken. Degenmen, olardyń eshqaısysy áli kúnge deıin bul máseleni saralap túsindirip bere almaı otyr. Aqyry aýǵan soǵysy men Chernobyl ,Uly Otan soǵysy ardagerleriniń qoldaýymen joldaryna tosqaýyl bolǵan shlagbaýmdy óz kúshterimen buzýǵa bekindi.
«Bul shlagbaým bizdiń azamattardyń aryna nuqsan keltirip tur, – deıdi Aýǵan soǵysynyń ardagerleri men múgedekteri qoǵamdyq birlestigi úılestirýshi keńesiniń tóraǵasy Murat Ábdishúkirov. – Biz amerıkalyqtarǵa bul jerde qonaq ekenin esterine salǵymyz keledi. Qazaq – qonaqjaı halyq, alaıda, ony paıdalanyp bizdi basynýǵa bolmaıdy».
Ardagerler baqylaý beketine gaz ballondar men dánekerleıtin qural ákelip, shlagbaýmnyń qulpyn kesip tastady. Olardyń bul áreketterine polısııa qyzmetkeri tosqaýyl jasamaq boldy, alaıda, ashynǵan ardagerlerge qarsy shyǵýǵa bata almady. Al ardagerlerdi kireberiste kúnde tekserip turatyn kúzetshiler tipti beketterinen shyǵýǵa nıet bildirmedi. Aqyry ardagerler uıymdarynyń ókilderi Ásker úıine kedergisiz kirip-shyǵý úshin shlagbaýmdy joǵary kótergen boıy dánekerlep tastady. Sondaı-aq olar aldaǵy 10 kún ishinde shlagbaým áli de ornynda tura beretin bolsa, ony múldem alyp tastaıtyndaryn eskertti.
Aıdar О́risbaev.