BQO-da 200-ge jýyq medısınalyq qyzmetker koronavırýs juqtyryp, birnesheýi kóz jumdy. Qazir oblystyq jáne qalalyq aýrýhanalarda 100-den astam medqyzmetker jetispeıdi. Al naýqastar sany saǵat sanap ósýde. Máselen kún saıyn jedel járdemge 1200 qońyraý kelip túsedi, - dep habarlaıdy Egemen.kz.
Sol sebepti óńirde koronavırýspen kúreske ardager dárigerler de úles qosýda. Zeınettegi 40 maman qarap jatpaı, qaıta qatarǵa qosyldy. Osylaısha kadr tapshylyǵy másele sheshilmek.
Qazir ardager medısına qyzmetkerleri de kúni-túni alǵy shepte qyzmet etýde. Qashyqtan da keńes baryp jatqandary az emes eken.
"Ár emhana janynan ashylǵan ahýal ortalyqtarynda da ardager dáriger qyzmet kórsetýde. Sondaı aq koll-ortalyqqa qosymsha medısına salasynyń ardagerlerin tartyp jatyrmyz", deıdi oblystyq Densaýlyq saqtaý basqarmasynyń basshysy Bolatbek Kaıýpov.