Biz Prezıdent aıtqan, mektepterde ekologııalyq bilim berý qajettigin qoldaımyz. Balalarǵa kishkentaı kezinen tabıǵatty qorǵaýdy úıretý kerek.
Sonymen qatar tabıǵatty qorǵaý polısııasyna kóp qyzmetkerlerdi tartyp, ákimshilik aıyppuldardy qataıtý kerek, ruqsat etilmegen jerge qoqys tastaǵany úshin jaýapkershilikke kóbirek tartyp, qatty turmystyq qaldyqtardy turaqty shyǵarýdy jolǵa qoıý qajet. Aqtóbede bul burynnan kele jatqan másele. Qoqys polıgonyndaǵy máseleler óte kóp, plastıkterdi qaıta óńdeýdiń ornyna kómip tastaıdy. Bizde plastıkterdi de, shynylardy da qaıta óńdeıtin zaýyttar joq. Mysaly, Eýropada adamdar aqshaǵa bótelke, paketterdi ótkizip, taýarlarǵa jeńildik alady. Olar osy arqyly ekologııany jaqsartýǵa kómektesip jatqanyn túsinedi. Batysta qaıta óńdeletin shıkizat qabyldaıtyn arnaıy avtomattar bar. Álemde mundaı ınnovasııalar óte kóp, osylardy bizdiń elge de engizý kerek.
Evgenıı Lazarchýk,
«Aktobe, dyshı!» eriktiler qozǵalysynyń uıymdastyrýshysy,
ekoambassador