Almaty oblysynda alaıaq úsh jylǵa sottaldy, dep habarlaıdy Egemen.kz
Buǵan deıin Almaty oblysynyń týmasy aqpan aıynda alaıaqtyq áreketi úshin ýaqytsha ustaý ızolıatoryna qamalǵan edi. 1958 jyly dúnıege kelgen er adam ózin jylý jelilerin ornatý sheberi retinde tanystyryp, oǵan júgingen adamdardyń aqshasyn ıemdenip qashyp ketken.
Onyń quqyq buzýshylyq áreketterinen bir ǵana emes, onǵa jýyq adam zardap shekken kórinedi. Alaıaq úshti-kúıli joq bolyp ketkendikten, polısııa ókilderi izdestirý jumystaryn qatańdata tústi. Aqyr-sońynda qashqyndy qolǵa túsirip, aǵymdaǵy jyldyń 6 aqpanynda birden qamaýǵa aldy.
Taldyqorǵan QIIB-nyń tergeýshisi barlyq qajetti tergeý áreketterin júrgizip, isti sottyń qaraýyna jiberdi. Sot prosesi barysynda er adam óziniń kinásin tolyǵymen moıyndap, shyn máninde alaıaqtyq jasaǵanyn aıtty. Sot tergeýinde urlanǵan aqshany óz qajettiligine jumsaǵany anyqtaldy.
Jýyrda Taldyqorǵan qalalyq sotynda QR QK-niń 190-baby 3-bóliginiń 1-tarmaǵynda kózdelgen qylmysty jasaǵany úshin kináli dep tanylǵan er adamǵa qatysty úkim jarııalandy. Sot oǵan ortasha qaýipsiz qylmystyq-atqarý júıesi mekemesinde jazasyn óteı otyryp, úsh jyl merzimge bas bostandyǵynan aıyrý jazasyn taǵaıyndady.