"Úkimetaralyq keńes Eýrazııalyq ekonomıkalyq odaqta koronavırýstyń taralýyn boldyrmaý úshin densaýlyq saqtaý jáne halyqtyń sanıtarlyq-epıdemııalyq salaýattylyǵy salasyndaǵy keshendi is-sharalar josparyn bekitti, dep habarlaıdy Egemen.kz EEK saıtyndaǵy derekkózderge silteme jasap.
Aqparat almasý, ınfeksııalyq aýrýlardyń aldyn-alý úshin kelisilgen algorıtmdi engizý jáne zerthanalyq zertteýlerge usynystar ázirleý josparlanýda.
Birlesken ǵylymı zertteýler sapaly, qaýipsiz, tıimdi dıagnostıka men vaksınalarǵa, sondaı-aq juqpaly aýrýlarmen kúresýdiń tehnıkalyq quraldaryna qol jetimdilikti qamtamasyz etý úshin josparlanǵan. EAEO memleketteriniń mamandandyrylǵan uıymdarynyń mamandary úshin belgili jáne jańa juqpaly aýrýlardyń paıda bolýyna den qoıýdy, qaýipti ınfeksııalarmen kúresý úshin tirkelgen medısınalyq qurylǵylardyń resmı óndirýshileri týraly resmı aqparatty ornalastyrý úshin birlesken jattyǵýlar ótkizý josparlanýda.
Josparǵa engizilgen sharalardyń oryndalýy Odaqta COVID-19-men ǵana emes, sonymen birge basqa da juqpaly aýrýlarmen kúreste qajet bolatyn EAEO elderiniń densaýlyq saqtaý júıesiniń birtutas áleýetin nyǵaıtýǵa kómektesedi. Keshendi jospardyń birlesken is-sharalaryn júzege asyrý bolashaqtaǵy indettiń aldyn alýǵa kómektesedi.