Pandemııanyń álem elderiniń ekonomıkasyna tıgizgen zardaby álitalaı esepke alynar. Soltústik kórshimiz Reseı memlektinde jumyssyzdar sany maýsym aıyndaǵy málimet boıynsha 4 mln. 606 myń adamdy qurapty.
Bul byltyrǵy mamyr aıyndaǵy eseppen salystyrǵanda 93 myń adamǵa artyq deıdi Rosstat mekemesiniń málimetine súıengen "Interfaks". Jumyssyzdyq kórsetkishi aı saıyn artqan ústine artyp, naýryzda - 4,7, sáýirde - 5,8 paıyzdy kórsetip, mamyrda - 6,1, al maýsymda - 6,2 paıyzǵa ósken.
Adamdardyń bulaısha tabys kózinen aırylyp, jumyssyzdyq qamytyn moıyndaryna ilgeni 2012 jyly bolǵan, al byltyr barlyq jumyssyzdyq kórsetkishi 4,3 paıyzdy quraǵan delingen.
Reseı Ekonomıkalyq damý mınıstri Maksım Reshetnıkov osynyń aldynda pandemııa bastalǵaly 680 myń reseıliktiń jumystarynan qysqartýǵa ketkenin, al sáýirdiń basynan 2 mln otandasynyń jumyssyz bolyp tirkelgenin aıtqan edi.