Elimizde engizilgen karantındik jaǵdaıǵa baılanysty azamattardyń saqtyǵy úshin Eńbek jáne halyqty áleýmettik qorǵaý mınıstrliginiń aqparattyq júıesi AÁK taǵaıyndaýdy avtomatty túrde uzartty, - dep habarlaıdy Egemen.kz.
"Qazaqstanda tótenshe jaǵdaı engizý kezeńinde 2020 jylǵy 31 naýryzyna deıin memlekettik ataýly áleýmettik kómekti alýshylardyń qaýipsizdigi úshin AÁK kelesi toqsanǵa (2 toqsanǵa) azamattardyń ótinishinsiz avtomatty túrde uzartyldy. Mundaı shara elimizde pandemııanyń taralýyna jol bermeý maqsatynda ǵana engizildi", - delingen habarlamada.
Al, 2020 jylǵy 3 toqsanda (shilde-qyrkúıek) eldegi koronavırýs indetiniń taralýy jaǵdaıyn eskerip, qyzmet alýshylarmen tikeleı baılanysty boldyrmaý úshin Eńbek jáne halyqty áleýmettik qorǵaý mınıstrligi "ótinish berýshilerdiń qatysýynsyz AÁK taǵaıyndaý" týraly sheshim qabyldady.
Bul úshin "Áleýmettik kómek" avtomattandyrylǵan aqparattyq júıesinde barlyq belsendi AÁK alýshylarǵa 2020 jylǵy 30 maýsymdaǵy jaǵdaı boıynsha 2 toqsannyń tabysyn eskere otyryp, 3 toqsanǵa arnalǵan ótinishter avtomatty túrde qalyptastyryldy.Aıta ketý kerek, 3 toqsanǵa AÁK taǵaıyndaý kezinde otbasynyń jıyntyq tabysyna keıbir tabystar esepke alynbaǵan:
- Biryńǵaı jıyntyq tabys (BJT);- Tótenshe jaǵdaı kezeńine áleýmettik tólem (42500 teńge)Sondaı-aq, AÁK-ge alǵash ret ótinish beretin azamattar egov.kz elektrondyq úkimet portaly arqyly "baılanyssyz" tapsyrýǵa múmkindik jasalǵan.