Dúnıejúzilik densaýlyq saqtaý uıymynyń Baǵdarlamalar jónindegi Bas dırektorynyń orynbasary Sýmııa Svamınatannyń aıtýy boıynsha COVID-19-ǵa qarsy álem jurtshylyǵyn jappaı vaksınasııalaý 2021 jyldyń ekinshi jartysynda bastalýy múmkin, dep habarlaıdy Egemen.kz
"Búgingi kúnge deıin 20 vaksına-úmitker klıkalyq tájirıbeden ótýde. Solardyń qatarynan vaksına shyǵatynyna úmittimiz", deıdi Sýmııa Svamınatan.
Sondaı-aq klınıkalyq tájirıbelerdiń nátıjeleri aldaǵy jyldyń basynda-aq málim bolady dep boljanyp otyrǵanyna toqtaldy. Munan soń vaksına óndiriske jiberilip, ónim daıyn bolysymen, 2021 jyldyń ortasynan jappaı vaksınasııalaýǵa kirisý jospary barlyǵyn aıtty.