Talapkerlerge arnalǵan vırtýaldy qabyldaý qyzmeti 24/7 tártibinde jumys isteıdi. Bul týraly Nur-Sultan qalasy ákimdiginiń resmı saıty habarlaıdy, dep jazady Egemen.kz
Qandaı mamandyqtarǵa granttar bólindi, kolledjge túsý úshin qandaı qujattar qajet jáne jeńildikterdi qalaı alýǵa bolady? Osy jáne basqa da suraqtarǵa talapkerler úıden shyqpaı-aq jaýap ala alady. Elordalyq kolledjderdiń saıttarynda vırtýaldy qabyldaý qyzmeti jumys isteıdi. Assıstentter kelip túsken suraqtarǵa 3-5 mınýt ishinde jaýap beredi.
"Biz bes kún buryn vırtýaldy qabyldaýdy iske qostyq, qazirdiń ózinde 200-den astam ótinish kelip tústi. Kóbi granttar men jeńildikter bar mamandyqtarǵa qujattardy qalaı tapsyrý keregin surap jatyr. Aýyldyq jerden kóptegen ótinishter bar. Vırtýaldy assıstent 24/7 rejıminde jumys isteıdi, birde-bir suraq jaýapsyz qalmaıdy", dedi Polıtehnıkalyq kolledjdiń dırektory Qasymhan Senǵazyev.
Onyń aıtýynsha, qazirgi ýaqytta barlyq keńesterdi kolledjge baryp alýǵa bolady. Alaıda pandemııa kezinde qaýipsizdik maqsatynda qarym-qatynasty shektegen durys. Vırtýaldy qabyldaý komıssııalary 20 tamyzǵa deıin 33 elordalyq kolledjdiń saıttarynda jumys isteıtin bolady.